Kaupmees Paul Kühl kaibas, et temma omma selli läbbi Johann Kiwwi käest 1 kaal linnu ostnu om nink 3 rubla käerahha andnu, ent nüüd ei ollewat Johann Kiwwi linnu ei ka käerahha taggasi toonu. 

Johann Kiwwi kostis selle kaibuse päle nidate: "Se om õige, et minna 1 kaal linnu Kaupmees Kühlile olle müünu nink 3 rubla wasta wõtnu, ent selle perrast es wee minna linnu ei ka käerahha 3 rubla taggasi, et kaupmees minnol enne sedda 2 kõrra linna mümisse man 6 rubla mahha arwas ja linnaseemnede eest 4 rubla leppitu hinnast mahha tõmbas, üttekokko 10 rubla."

Otsus.

Johann Kiwwi peab kaupmees Paul Kühlile 2 käerahha, 6 rubla, taggasi masma, ent Johann Kiwwi nõudmisse kaibust kaupmehhe käest ei olle se koggokonna kohhus selleperrast wasta wõtnu, et kaupmees Kühl pürjer om.

Suremba kohtonkäumisse kaibus om kohton käujatele ette loetus sanu.  

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX