Protokolli No 35 manno

Kutsmise perra olli ette tulnu Widrik Laiw ja and wastust, et temma mitte Peter Lauka lönu ei olle, enge Peter Lauk om kül Andre Kütti rängaste pesnu, ja põlwiga rindo pääl käunu, kelle päle kül Peter Nirk näile appi lännu ja Kütti Peter Lauga käest ärra pästnu, ent Andre Kütt ei olle temma nätten mitte Laugale lönu, kelle ülle ka weel Jakob Pirisild, Tanno Tarro ja Jaan Pirisild tunnistada woiwa.

Peter Nirk ette tulnu and eensaiswa kaibuse päle wastust, et Peter Lauk om Andre Kütti kige eddimalt treppi päält maha tõuganu, ja sis kolm kõrd põlwiga rindo pääl käunu, kelle päle kül temma appi lännu, ja Lauga Andre Kütti päält ärra tõmmanu, ent temma ei olle mitte Lauka lönu, enge lauk om kül temmale lönu.

Karl Eiche ette tulnu and tunnistustm et temma mitte edde otsa nännu ei olle, enge Andre Kütt ja Peter Nirk omma Peter Lauka hiusist kinni piddanu ja käega päha lönu, ent Andre Kütt om ka weel tarren Laugale üts kõrd lönu.

Michel Udsu olli jälle ilmwabandamata Wastsest Koijolast wälja jänu, ent Andre Kütt pallel weel Julius Hernitz ja Michel Prusa selle asja perrast kui tunnistajat ette kutsu.

Et Michel Udsu omma naisega Julius Herntz, Michel Pruus, Tanno Tarro, Jakob Pirisild ja Jaan Pirisild täämba siin es olle, sis es woi selle asja ülle weel middagi mõista nink saiwa sel 3 Aprillil ette kutsutus.

Päkohtumees Peter Meltz [allkiri]

kohtumees XXX

       "

Kirjotj.: J.Kirrop