Protokolli No 10 manno

Kutsmise perra olliwa ette tulnu Kristop Hussar, Peep Hussar ja tunnistaja Jakob Pirisild, nink wimane and üles, et temma mitte sedda ei mälleta, kas Kristap Hussar selle raha omma poja Pebu kätte andnu ehk mitte; ent Andre Pirisild ja Johann Telk nink Andre Wremann olliwa ilm wabandamata wälja jänu.

Selle päle lepsewa kohtun käuja Kristop Hussar ja Peep Hussar henda keske nida kokko, et Peep Hussar wõttap weel sellest hobbese ja muust rahast henda päle 17 Rbl. Kristopile massa, ja palsiwa selle päle neid wälja jänu tunnistajit maha jätta, nink neide kutsmiset maha jätta nink koggokonna kohtul selle asjale otsust anda.

Selle päle es ütle kohtun käuja ennamb middagi ütlemist ollewat, sis

Mõisteti

et selle eensaiswa selletuse nink tunnistuse perra peap weel esa Kristoph Hussar omma poja Peep Hussarile 32 rubl. 32 kop. 2 ku aja sissen a dato sellest kahtu otsuse kindmas jämisest Peep Hussarile ärra masma.

Se kohtu otsus saije kohtun käujile kulutedus nink tall. rahwa säduse ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Peter Meltz [allkiri]

kohtumees Jakob Eichhorn XXX

      "              Peter Päss XXX

Kirjotj.: J.Kirrop