Selsammal paiwal 5 julil 1889

Ette tulli Jaan Oina ja kaibap et temma Johan Pikale Wanna kohto maja, mes ma oksioni wiisi 50 rubla eest tukkin ostse ni samma ka Johan Pikkale eddesi muje utsinda rent ahi omale walja leppse kes se minnot pakkutud 50 rubla selle maja eest walla wallitsussele ärä masma piddi ja Pik mulle selle kauba ette 10 rubla kässi raha antse kos tunnistaja Johan Lutz ja Jaan Pihho kauba man olli ent et Johan Pik oma kauba mitte piddanud ei olle ja se maja wahtsest ümbre saije muudut 19 rubla odawamb kui minnol ostetud olli mes nüüd minnole päle moisteti nõuwa nüüd et Pik kelle läbbi se tulnud  om Johan Pik käest mulle 14 rubla perra saap wälja moistetud kost mul jo sest 10 rublast 5 rubla arä om sanud. -

Johan Pik wastut et temma Jaan Oina kaest kül Wana kohto maja 50 rubla ette ostse ja 10 rubla kassi raha antse ent nüüd mitte raha taggasi taweste ei olle sanud enge enne 5 rubla nouwa nüüd et puuduwat 5 rubla weel katte saada ehk müüdut maja selle et muul ostmisse man määrastki treminit es olle konnas ma masma piddi. -

Walla wannemb Kurwitz antse tunnistust et Johan Pik kül webruari kuul 10 rubla kohto maja oksioni raha masa pakse mes ma mitte wasta es wotta konna termin jo ammo mooda olli sis sest natta et Pik ostja olnu ent siski mitte mai kuuni raha mastud es saa ni et maja ümbre piddi muudus saama. -

Johan Jager antse tunnistust et Johan Pik kui ta 10 rubla walla wannembale pakkus sis wälja tulli ja ütles walla wannemb tahap minno raha maja massu ette ärä wõtta selle ei woi ma kohto maja hinda tawweste arä massa. -

Otsus: Et Johan Pik essi ka oige utles ollew et ta maja Oina eest ostnu ja ka selle päle 10 rubla kässi raha antnu ent mitte täütnu ja raha terminis ärä ei olle masnu et sellega kül 5 kuud ootetud om. -

Moistetud: Massp Johan Pik se odawusse hind mes Oina sega ilma asjanda masma piddi 19 rubla Jaan Oinale walja 14 paiwa sissen selle et ta oma kauba mitte ei olle täüdnu. -

Otsus kuulutetu § 773 ia 774 perra

Ääremärkus: erakiri 7 julil

                       opus leht

                                        Kohto wannemb J. Pihho

                                            "       mees       Jaan Plak

                                            "       mees       Peter Jaaska

                                            "       mees

                                                         Kirjotaia S Härms