Ette tulli Wastselina mõtsa walitsuse asemel mõtsa saks Jaan Tamm nink tõst Laswa mõisa kandi mehe Johann Käusse päle kaibust, et se om Tilsi mõisa rentnikoga Laswa mõisa mõtsast 6 tamme, mes kokko 25 tolli ärra warrastanu, päle selle olnu weel Johann Käusse usaija pääl üts suur tamme tüwwi nink 107 ratta kõddarat, nink nõwwap selle eest 17 rubl. trahwi mõtsa walitsuse hääs ärra massa laske, ent Tilsi rentnikuga omma nema jobba ärra selletanu, nink trahwi ärra sanu.

Johann Käus saije selle päle ette kutsutus eensaiswa kaibus ette loetus, and wastust, et temma om kül ne 6 tamme maha raggonu, ent selle tamme tüwwe om temma omma põllu ma päält raggonu nink ne ratta kõddara Pindi mehe Peter Sabbe ma päält sanu.

Selle päle es ütle kohtun käuja ennamb middagi ütlemist ollewat, sis

Mõisteti

et Johann Käus peap selle warrastamise eest kokko 17 rubl. trahwi Wastselina mõtsa walitsuse hääs 14 päiwa sissen a dato sellest kohtu otsuse kindmas jämisest ärra masma.

Se kohtu otsus saije kohtun käujile kulutedus nink tallorahwa säduse ramatust 1860 aastast §§ 773, 774 perra ärra selletedus nink § 881 perra opus leht wälja antus.

Päkohtumees

kohtumees Jakob Eichhorn

      "              Peter Päss

Kirjotj.: J.Kirrop