Selsammal paiwal 19 julil 1889.

N 671.  Ette ollewa tulnud kaibajist Peter Kurwitz Hans Andreiman Peter Oina ja Peter Kiik nõuwawa et wee sais wanna saissusse saap saetud nida kui enne weski ehhitamist om olnud. - Tõise heinama omaniko kellel sellesama koha pääl kos neidel ka haina maad oma ni kui N 10, 11, 12, 13, 14, 15, 17, 26 ja kostre ei kaiba omade ülle mitte sis ka arwata et need kahjo ei olle saanud. -

Jaan Pihho antse neide nõudmiste päle wastust et need kaibajid essi ullematse weski omanikutest suuremb ossa om kes jo kõrd kaibsiwat et ma wee needa 

 weskile alla ajasi ja noudsewa jälle weski lahkmist kes kogokona kohto otsussega rahu mes 1879 N 287 es olle ja eddesi kaibsiwa mes otsust neile sis anti ei olle minna kuulnud. - ei tee ka nüüd minno weski neile kahjo. - Kogokona kohus ja walla wallitsus nitu kahjo ülle kaenud ja antwa tunnistust.

1. Kohto mees Peter Jaaska tunnist et wessi Piho weski tammi pääl tawweste alla perwi om ja haina ma pääl parraja wee saissuga weel koskil wet natta leita es olle. -

2. Wöörmunder Peter Kiisk utles nisam(m)a.

3. Walla wannemb Kurwitz utles et weski nipaljo jões maddal olli et kik latte ja krawit jõkke wälja joosiwa ja ei wõige kahjos arwata utsinda Johan Kurwitza nitul kos uts madal latte koht ajalte wee wälja paisutap.

4. Kohto mees Jaan Semm nisamma.

Otsus: 1, Et neist kaibajist jo prottokoli 1879 N 287 kaibatud ja otsus antud ni kui Johan Kurwitz ja Peter Oina jo mitte eddesi kaibanud ei sa ennamb neide kaibus kuultud.

            2. Walla wallitussse ja kohto meeste tunnistusse päle et tammi wessi mitte haina maale kahjo ei olle tennu ei saga tegema kui wessi parrajal korgussel hoijetas.

           3.  Et weski ehhitamissest jo 12 aastat mööda om ja ehhitamisse man keage selle wasta ei olle olnud ja need sama kaibaja kik ehitamisse poolt olli ja Pihho sellega ehitamisse kulu kandnu om. Sis nätta et se nõudminne neist 5 kaibajajate kellel kolmel ka weski om kiussust tulnud om selle et suur ossa neist haina ma omanikest kelle ka haina maad neide kaibajitega seggi oma mitte ei kaiba.

Moistetud: Kaiwatawate kaibus sega et nad weskit ja selle tammi kes jo 12 aastat wanna om hawitada nouwawa tühjas moistetud, ütsinda tunnistusse pera et Johan Kurwitz nitu wessi suggu riknud peab Pihho oma leppimisse perra tassomist tassoma  kui hääga ei saa saap kohus otsusse andma, toise kellel kahjo ei olle ei sa tassomist.

Otsus § 773 ia 774 perra kuulutetu. -

Kaibaja ei olle otsussega rahu.