Ette tulli Losi walla mees Johan Truija nink tõst kaddona Jakob Truija perrandajide päle kaibust, et temma om selle kaddonale 6 aasta eest 54 rubl. raha maja ostmise päle lainanu, ja seni ajani weel mitte kätte sanu, nink pallel nüüd sedda lainus raha temma perrandajil sellest perra jänu warrandusest ärra massa laske;

päle selle näutas weel Johann Truija ütte tähte herra Posenpflanzeri polest antu, kon se samma tunnistase, et Johann Truija om omma kaddona welle Jakob Truijale 60 rubl. maja ostmise päle lainanu.

Ette olliwa tulnu selle kaibuse päle Jakob Truija läsk Sohwie Truija ja selle perrandajide wöörmündre Peter Truija nink Karl Wislapu, ja Sohwie Truija and selle päle wastust, et temma sellest wõllast kige wähembat middagi ei tija nink selle perrast ka mitte massa ei woi.

Selle päle saiwa weel kohtun käuja küssitus, kas näil weel selle asja ülle parrembat tunnistust ei olle, mes nemma mitte es ütle ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et Johann Truijal selle lainatu raha wõlla ülle mitte ütteke selget tunnistust es olle ette anda, sis es woi temmale ka selle ülle middagi mõista.

Se kohtu otsus saije kohtun käujile kulutedus nink tall. rahwa säduse ramatust 1860 aastast §§ 773, 774 perra ärra selletedus nink § 881 perra opus leht wälja antus.

Päkohtumees Peter Meltz [allkiri]

kohtumees Jakob Eichhorn XXX

     "              Peter Päss XXX

Kirjotj.: J.Kirrop