Ette tulli Peter Eiche nink tõst kaddona Jakob Truija perrandajide päle kaibust, et temma om selle kaddonle 165 kuppu ehk puuda pikka õlgi 8 aasta eest wõlgo andnu ja seni ajani weel mitte ärra masnu, nink pallel nüüd neid õlgi ehk 10 rubl. raha temma perrandusest sisse nõuda; selle ülle woiwat ka weel Johan Kütt ja Peter Ribba tunnistada.

Läsk Sohwie Truija saije selle päle ette kutsutus and eensaiswa kaibuse päle wastust, et temma sedda kül kuulnu om, ent mitte nännu ei olle, ehk weel woiwa ka ne õlle jobba ärra mastu olla, kelle ülle temma ütteke selget pühja ei tija üttelda.

Peter Ribba and selle päle wastuts, et temma kül nännu om kui ne õlle lainatus omma sanu, ent sedda mitte tunnistada ei woi, kas nemma ka ärra omma mastus sanu.

Sohwie Truija pallel weel selle päle tunnistajat Tanno Hollo ja Peter Pässa ette kutsu, kes sedda tunnistada woiwat, et ne õlle ärra omma mastus sanu.

Otsus: et Johann Kütt, Tanno Hollo ja Peter Päss täämba siin es olle, sis es woi selle asja ülle weel middagi mõista, nink saiwa sel 15 Mail ette kutsutus.

Päkohtumees

kohtumees Jakob Eichhorn

abi    "          Jakob Eiche

Kirjotj.: J.Kirrop