Peter Nahha, Tõlliste koggokonnast, kaibas: "Minna ostse minnewa talwe Nesmõtz Johann Pola käest Walka liina kaupmees Lamberti assemel 50 Zetwerti Kaaru, Zetwert 3 rubla 50 kopka eest, ja andse 10 rubla käerahha nink piddas Johann Pola neid kaaru Walka liina ehk Tõlliste Willaski kõrtsi weddama, ent nüüd seniajani ei olle Johann Pola neid Kaaru mitte ärra toonu. Kaupmees Lambert nõwwab neide 50 Zetwerti Kaaru eest, kelle assemele temma Paiju mõisast ütte Zetwerti päält 1 rubla kallimb massem ostnu om, 50 rubla kahjotassumist ja käerahha 10 rubla , üttekokko 60 rubla, kätte saada. Ent minna nõwwa nüüd egga päiwa päält, middas minna kohtonkäumisse perrast wiidan 5 rubla hõb."
Johann Pola kostis selle kaibuse päle nidate: "Se om õige, et minna Peter Nahhale 50 Zetwerti Kaaru müüsin, Zetwerti päält olli hind 3 rubla 50 kop. leppitu, nink wõtsin minna 10 rubla käerahha wasta. Kaup olli nida tettus: Peter Nahha piddas 2 näddala aja sissen minno pole tullema neid Kaaru päle mõõtma, kust nemma sis Walka liina ehk Willaski kõrtsi olles weetus sanu, nink piddas ka Peter Nahha neide Kaaru eest rahha selle Kaara päle pandmisse man ärra masma. Et agga Peter Nahha mite 2 näddala sissen minno pole es tulle enge 4 näddala perrast nink sis minnole ütles, et temma mitte essi neid Kaaru päle mõetma ei saa tulla, enge piddasi minna ne Kaara ütsinda päle mõetma nink Walka weema kust minna ka sis rahha saas, es wee minna selleperrast neid Kaaru mitte Walka, enge ütli Peter Nahhale, et meije kaup sis katski om, kelle päle Peter Nahha minnole ütles: "Kui sinna essi päle ei mõeda sis ärra toogu ka, sest minnol mitte aigu ei olle." Minna müüsin tõisel päiwal ne Kaara 45 kop. Zetwerti päält wähhemba hinna eest, kui Peter Nahhaga leppitu olli, Wastse Anzmõisa wallitsussele ärra."
Tunnistaja Jakob Altosaar, Waltina kõrtsimees, andse nidate tunnistust: "Minna kül kuuldse et Peter Nahha ja Johann Pola Kaaru ülle kauplesi, ent kuis wisil se kaup tettus om sanu, sedda minna ei tija tunnistada, sest minna olli wahhel kõrtsist wälja lännu."
Peter Nahha andse tunnistajid ülles: Andrus Wiis, Wastse Anzla koggokonnast, Peter Anzow ja David Kender.
Johann Pola andse tunnistajis ülles: Jaan Anzow, Karl Libeon, Karl Müür, Isak Kuiw, Jakob Pawel ja Samul Tedder.
Kiik selles 4. Augustis kohto ette tallitada.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Juk Hansi XXX
" Andrus Püwwi XXX
Kae No 94.
Peter Nahha, Tõlliste koggokonnast, kaibas: "Minna ostse minnewa talwe Nesmõtz Johann Pola käest Walka liina kaupmees Lamberti assemel 50 Zetwerti Kaaru, Zetwert 3 rubla 50 kopka eest, ja andse 10 rubla käerahha nink piddas Johann Pola neid kaaru Walka liina ehk Tõlliste Willaski kõrtsi weddama, ent nüüd seniajani ei olle Johann Pola neid Kaaru mitte ärra toonu. Kaupmees Lambert nõwwab neide 50 Zetwerti Kaaru eest, kelle assemele temma Paiju mõisast ütte Zetwerti päält 1 rubla kallimb massem ostnu om, 50 rubla kahjotassumist ja käerahha 10 rubla , üttekokko 60 rubla, kätte saada. Ent minna nõwwa nüüd egga päiwa päält, middas minna kohtonkäumisse perrast wiidan 5 rubla hõb."
Johann Pola kostis selle kaibuse päle nidate: "Se om õige, et minna Peter Nahhale 50 Zetwerti Kaaru müüsin, Zetwerti päält olli hind 3 rubla 50 kop. leppitu, nink wõtsin minna 10 rubla käerahha wasta. Kaup olli nida tettus: Peter Nahha piddas 2 näddala aja sissen minno pole tullema neid Kaaru päle mõõtma, kust nemma sis Walka liina ehk Willaski kõrtsi olles weetus sanu, nink piddas ka Peter Nahha neide Kaaru eest rahha selle Kaara päle pandmisse man ärra masma. Et agga Peter Nahha mite 2 näddala sissen minno pole es tulle enge 4 näddala perrast nink sis minnole ütles, et temma mitte essi neid Kaaru päle mõetma ei saa tulla, enge piddasi minna ne Kaara ütsinda päle mõetma nink Walka weema kust minna ka sis rahha saas, es wee minna selleperrast neid Kaaru mitte Walka, enge ütli Peter Nahhale, et meije kaup sis katski om, kelle päle Peter Nahha minnole ütles: "Kui sinna essi päle ei mõeda sis ärra toogu ka, sest minnol mitte aigu ei olle." Minna müüsin tõisel päiwal ne Kaara 45 kop. Zetwerti päält wähhemba hinna eest, kui Peter Nahhaga leppitu olli, Wastse Anzmõisa wallitsussele ärra."
Tunnistaja Jakob Altosaar, Waltina kõrtsimees, andse nidate tunnistust: "Minna kül kuuldse et Peter Nahha ja Johann Pola Kaaru ülle kauplesi, ent kuis wisil se kaup tettus om sanu, sedda minna ei tija tunnistada, sest minna olli wahhel kõrtsist wälja lännu."
Peter Nahha andse tunnistajid ülles: Andrus Wiis, Wastse Anzla koggokonnast, Peter Anzow ja David Kender.
Johann Pola andse tunnistajis ülles: Jaan Anzow, Karl Libeon, Karl Müür, Isak Kuiw, Jakob Pawel ja Samul Tedder.
Kiik selles 4. Augustis kohto ette tallitada.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Juk Hansi XXX
" Andrus Püwwi XXX
Kae No 94.
