Ette tulli Peter Eiche nink tõst omma ärra koolnu wäimehe kaddona Jaan Hollo perrandajide päle kaibust, et temma om sel kõrral kui Jaan Hollo ärra om koolnu 18 rubl. hõbb. maja tarwituse päle raha Katri Jürgensoni käest wõlgo lainanu, nink nüüdne wäimees Jürri Meltz om weel 11 mõtu rükki ja 6 wakka karo temma sadust põlli sagist hendale lainanu, nink wimata nõwwap weel Peter Eiche selle kaddonu Jaan Hollo kätte antuid omme ellajid kätte sada, nida kui Protokolli ramatun sest 2 Junist 1870 aastal No 14 saisap nimelt

1 hobbene wärt  78 rubl.

kolm lehma         60  "

2 hõhwa               25  "

1 wassik                  3  "

3 zigga                  33  "

4 lammast            12  "

5 wona                 10  "

puhast raha        25  "

----------------------

Summa              246 rubl.

Jürri Meltz and selle päle wastust et temma arwanu selle maja wilja ollewat, kelle perrast ka sedda maja tarwituse päle pruknu om.

Peter Eiche pallel selle päle Ado Ribba ette kutsu, kes tunnistada woip, et temma ma päält se willi sadu om.

Et kaddona Jaan Hollo perrandaja täämba siin es olle, sis es woi weel middagi mõista, nink saiwa sel 22 Mail ette kutsutus.

kohtumees Jacob Eichhorn

kohtumees Peter Päss

abi   "           Jakob Eiche

Kirjotj.: J.Kirrop