Protokolli No 61 manno

Jaan Pusep and eensaiswa kaibuse päle wastust, et temmal olnu edimatse aasta eest 6 rubl. palka, ent tõise, kolmanda ja neljanda aasta om Kobbar ilma palkada tennu, nink perrametse aasta eest om jälle 10 rubl. lepitu, kelle mant 6 rubl. päraha ärra om mastu.

Johann Mohr Orrawa wallast and tunnistust, et temma sellest palga lepmisest kige wähembat middagi ei tija.

Michel Kobbar Orrawa wallast and tunnistust, et temma om kül Peter Kobbara henda manno üts kõrd tenistuste lepnu 10 rubl. raha ja mõdu alla ma palga eest, et Jaan Pusep om henda manno jätnu, kelle palga lepmist temma ei tija.

Michel Pork es ütle sellest palga lepmisest Pusepa ja Kobbara wahel middagi teedwat.

Tannil Sarrapu ütel ka Peter Kobbart henda manno tenistuste lepwat, 10 rubl. palga eest, ent Jaan Pusep om henda manno jätnu, kelle palga lepmisest temma ei tija.

Selle päle es ütle kohtun käuja ennamb middagi ütlemist ollewat, sis

Mõisteti

et Jaan Pusep peap weel selle 5 aasta tenistuse eest 35 rubl. kui palka Peter Kobbarale 4 näddali sissen a dato sellest kohtu otsuse kindmas jämisest ärra masma.

Päkohtumees

kohtumees Jacob Eichhorn

       "            Peter Päss

Kirjotj.: J.Kirrop