Selsammal päiwal 29 augustil 1889

Mihkel Lutsar tulli ette ja kaibap et Peter Karik temma ostetud mõrra mes ta Hindrek Oja kaest ostnu ojast ärä om warrastanu mes nüüd otsmisse perra Kärike kaest katte saadut nõuwa morra hinas ja kahjos 10 rubla ja antse tunnistajas wöörmunder Plakso.

Peter Kärik utles et temma mitte Lutsari mõrda wõtnu ei olle se mõrd mes Lutsar omas tunnistap Karl Tobrelutz oma olli. -

Woormunder Plakso utles et kui tema Lutsari kutsmisse perra Karike pool mord otsaman käwwen sis Karik naine ute morra küünist uppa ärä latse paotama mes meije essi kambrest ärä näijeme ja teda suntsime säält wälja tooma kes ka toije ja Lutsar teda omas tunnistas ent siski Karik noudmisse päle ärä es ana ja essite 25 rubla kaotseni saisi noudis kui otsi tahate sis ka mõrd Karike kätte jäije mes sest arwata et ta ka Lutsari oma olli selle et teda otsmisse eest paotadi woeti. -

Kelle oma ta just om ei woi ma teeda selle et ma teda enne nanu ei olle.

Otsuss Jaap se mõõrd kohto mees Jaan Semm hole alla koni muuja Hindrek Oja Wennemaalt talwel wälja tullep ja se ülle tunnistust anab ja se õige om saap Karik katte kordne trahwi.