Kae Protokoll No 94. 

Tunnistaja Peter Anzow andse nidate tunnistust: "Minna olli man kui Peter Nahha Johann Pola käest 50 Zetwerti Kaaru ülle kaupa teggi nink piddas leppingu perra Peter Nahha Nesmõtzan Kaara päle mõõtma nink õkwa rahha ärra masma."

Tunnistaja Karl Müüs andse nidate tunnistust kui Jakob Pawel tunnistanu om.

Tunnistaja Andrus Will, Wastse Anzla koggokonnast, andse nidate tunnistust, et temma kül sel kõrral Nesmõtzan rätseppa tööd teggeman om olnu, agga üttegi juttu Peter Nahha ja Johann Pola wahhel Kaara kauba ülle kuuldnu ei olle.

Tunnistaja Karl Libeon andse nidate tunnistust: "Minna olli man kui Johann Pola Peter Nahhale Nesmõtza kõrtsin ütles, et temma tõises päiwas kaaru päle pandma jääs, et agga Peter Nahha ütles et temma mitte jääda ei wõi, ütles Johann Pola et temma ilma Peter Nahhata neid Kaaru päle ei panne."

Tunnistaja Isak Kuiw andse nidasammute tunnistust kui Karl Libeon om andnu.

Otsus.

Tunnistajade wäljaütlemisse perra om se koggokonna kohhus mõistnu: Peter Nahha kaibust Johann Pola wasta tühjas nink jääb se Peter Nahhalt Johann Polale mastu 10 rubla käerahha Johann Pola'le. 

Suremba kohton käumisse sädus om neile kohton käujatele ette loetus sanu. 

Sel 18. Augustil s.a. om Peter Nahhale Apellationtäht wälja antus sanu. 

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX