Andrus Mõttus kaibas: "Katte aasta eest, kui minna Waltinan kõrtsimees olli, andse minna Luzian Lebedewile 2,25 kopkat keddas temma Jaan Anzowile massis, nink lubbas Luzian omma welle wõlga 3,10 kopkat  minnole ärra massa, ent nüüd seniajani ei olle minna sedda rahha mitte kätte sanu."

Tunnistaja Kaupmees P. Kühl andse nidate tunnistust: "Kui Andrus Mõttus Luziani welle wõlla perrast mitte ärra minnema laska ei tahha, ütles Luzian Lebedew et temma omma welle wõlga Andrus Mõttusele ärra tahhab massa, kelle päle Andrus Mõttus ka tedda minnema laskis."

Tunnistaja Jaan Anzow andse nidate tunnistust: "Minna müüsin Luzian Lebedewile mett ja wahha nink sis käskse Luzian Andrus Mõttusel minno rahha anda, minna ei mälleta mitte paljos sedda päle 2 rubla olli, mis Andrus Mõttus ommast käest andse, sest sinna om jobba paar aastat taggasi."

Tunnistaja Peter Anzow andse nidate tunnistust: "Kui minna omma welle Jaan Anzowiga Luzian Lebedewile Waltina mett ja wahha tõime sis andse Andrus Mõttus Luzian Lebedewile 2,25 kopkat wõllas, mis meile wahha ja mee eest mastus sai."

Kui nüüd Luzian Lebedew mitte kohto ette tulnu es olle, om temma selles 22 Septembris ette tallitedus sanu.

Kohtomees Jaan Treumuth XXX

  "  Werdi Leinus XXX

  "  Andrus Püwwi XXX  

  "  Juk Hansi XXX