Hauka Rein Libeon kaibas: "Sel 3. Septembril õddakult kaddus minnol ommast aijast üts pakk mehhitsid ärra, nink lõiti perrakõrd se pak arwata üts werst maad majast kaugel leppistu sissest, ent wahha olli ärra kistu. Ni kuis kuulda om, ollewat Karl Masik, Märt Puk ja Jaan Kangru minno aijast se pak mehhitsid ärra warrastanu."

Jaan Kangru kostis selle kaibuse päle nidate: "Se om õige, et minna, Karl Masik, Märt Puk ja Jakob Kais Hauka Rein Libeoni mehhitse ärra lahkse. Märt Puk ja Karl Masik tõiwa mehhitse pakku aijast wälja ja meije awwitame sis ka nõsta."

Karl Masik kostis selle kaibuse päle nidate: "Meije tõime nelja keske se mehhitse aijast wälja, et Karl Masik ajas se mehhitse pakku maha ajas ja topse mulku samlega kinni. Sellest tarrust es olle mitte met lõida. 

Jakob Kais kostis selle kaibuse päle nidate: "Se ei olle mitte õige, et minna neide tõiste poissega olle Hauka Rein Libeoni aijast üts pak mehhitsid olles warrastaman käunu."

Rein Libeon nõwwab selle mehhitse eest 25 rubla kahjotassumist.

Otsus. 

Se kohhus om mõistnu: Karl Masik, Märt Puk, Jaan Kangro ja Jakob Kais peawa egga üts 6 rubla 25 kopkat Rein Libeonile kahjotassumist masma nink saab neidest egga üts 20 witsahoobiga trahwitus.

(8 päiwa sissen ärra massa.)

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Andrus Püwwi XXX

  "  Juk Hansi XXX