Jürri Künnapä, Kergola koggokonnast, kaibas: "Minna olli eddimelt Peter Pull'ile 4 rubla wõlgu nink andse Peter Pull minnole 2 rubla weel perra, et temma minno lehma 16 rubla eest ärra wõttab, ja olles selle perra Peter Pull'il minnole weel 10 rubla massa, keddas agga minna weel täämba päiwani weel mitte kätte sanu ei olle. 

Se assi olli Wastse Anzla koggokonna kohto een 5 aasta eest nink sis lätsime kihhelkunna kohtule kus mõistetus sai, et Peter Pull minnole se 10 rubla peab wälja masma, et agga Peter Pull sääl ütles, et Karl Kõiw, kellele se lehm sai, nink kes sel kõrral sõatenistussen olli, minnole se 10 rubla wälja ollewat masnu, jäi se assi kihhelkunna kohto mõistmisse perra ni kawwas polele, kui Karl Kõiw tenistussest taggasi om tulnu."

Peter Pull kostis selle kaibuse päle nidate: "Se ei olle mitte õige, et minna Jürri Künnapä käest lehma olles ostnu, ei ka et minna käemees selle kauba man olles olnu, enge jätse minna kül se 4 rubla wõlgu mes Jürri Künnapäl minnole massa olli, lehma eest Karl Kõiwule wõlgu ja andse minna 2 rubla weel Karl Kõiw'ule wõllas lehma osta käerahhas. Minnol mitte Jürri Künnapäle sedda 10 rubla massa ei olle."

Karl Kõiw kostis: "Se om õige et minna 10 rublat lehma eest Jürri Künnapä'le wõlgu jäi; mis perrast agga sedda mitte sellest mahha es arwata, kui minnol perran tenistust minnekit kewwadel 1871 aastal kraam ärra sai müüdus ja wõlglastele wälja sai mastus."

Otsus.

Kui nüüd Jürri Künnapä sel kõrral kui Karl Kõiw warrandus oksjoni wisil ärra sai müüdus, ehk konkursi alla langes, mitte omma nõudmist ülles es anna, ja selle ülle ka mitte tunnistust ei olle et Peter Pull sedda lehma Jürri Künnapä käest olles ostnu ehk selle ostmisse man käemees olles olnu, om se kohhus sedda Jürri Künnapä kaibust selle kohto een tühjas mõistnu.

Suremba kohton käumisse kaibus neile kohton käujatele ette loetus sanu. 

Jürri Künnapäle om Appellationtäht sel 10. Oktobril s.a. wälja antus sanu. 

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Andrus Püwwi XXX