Sawwi Jaan Anzow andse ülles, et Hauka Rein Libeon, abbikohtomees, tunnistanu, et sel kõrral, kui temma Sawwi maja pallutamisse perrast siin kohto een ollnu, et Päkohtomees Märt Lüüs ja Wallawannemb Johann Zimmer neile tol kõrral een olnu tunnistajatele sõnnu suhwe ollewat andnu, ni kuis neil kõnnelda (tunnistada) tulleb.

Sedda ollewat Rein Libeon Wõrrole sõiten kindamees Jürri Leppik man ollemissel kõnnelnu. 

Rein Libeon kostis selle kaibuse päle nidate: "Se om wõls, et minna Jaan Anzowile sedda olles kõnnelnu, sest kuis minna sedda olles üttelda wõinu, kui sedda Wallawannemba kui ka Päkohtomehhest es sünni.

Minnewa pühhapäiwa käwwe kül Jaan Anzow minno pool nink ütles minno welle Karli manollemissel, et temma minno selle ülle tunnistajas annab, et minna ka kohto pääl olli kui temma assi een olnu ja minna sedda kuuldnu, kui Wallawannemb ja Päkohtomees tunnistajid tunnistama oppanu. Jaan Anzow lubbas minnole naljaperrast 100 rubla massa, wai ka linnamassinad anda, kui minna sedda tunnistas."

Tunnistaja Jürri Leppik (Kreeka usko) andse nidate tunnistust: "Minna olli kindamees ja wein Jaan Anzow ja Rein Libeon Wõrrole, ent sedda minna mitte es kuule, et Rein Libeon olles kõnnelnu, et Wallawannemb ja Päkohtomees neid temma asja külge puttuwa tunnistajid olles oppanu."

Sel 17. Decembril 1877.

Johann Akkermann kui ka Jaan Anzow (sullane) ja Jaan Kraw tunnistiwa, et kui ne tunnistaja siin kohto een tunnistust andse, keski neile tunnistada oppanu olle. 

Päkohtomees Märt Lüüs XXX

Kohtomees Jaan Treumuth XXX

  "  Andrus Püwwi XXX

  "  Juk Hansi XXX

Abbikohtomees Johann Koemõtz XXX