Kõrtsijürri Anz Piiri nõwwap ostja Ado Joakit käest 18 Rublit eestminneki rahha nink katte sülle puije eest 8 R. Temma olles eestminneki rahha kik üttekokko arwat 60 Rublit Ado Joakiga lepnu, sellest 34 Rublit kätte sanu, ent nimmedetu 26 Rublit weel puudusi.

Ado Joakit tunnist sedda tõttes, et 60 R. eestminneki rahha Anz Piiriga lepnu nink olle sellest rahhast ärra masnu:

25R. Anz Piirile

23 R. Märt Piirile

8 R. Grawi Härmisele

5 R. Ado Joakile

61 R. üttekokko Anz Piiri wõlga. Päle selle olles temmale weel ½ walaöa küttisrükka põima nink 4/3 wakala maad tõu alla lubbanu.

Kui nüüd Anz Piiri mitto kõrd kohtu ette tallitetus sai eestminneki rahha Ado Joakiga selletama, ütles Anz Piiri, minnul ei olle märastki selletamist ennamb waja, minna olle Ado Joaki käest wimane koppik kätte sanu. Selleperrast, et Anz Piiri essi tunnist mitto kõrda, et temmal eestminneki rahha minki suggust ennamb Ado Joaki käest saija ei olle, sai temma nõudminne sekõrd tühjas arwatus. 

 Päkohotmees Mango Marits  XXX

Abbikohtomees Jaan Rosenthal

Wörmöndre Karl Rosenthal

       d.            Märt Kangro