Wallawannemb Karl Ruder kaibas se kohtu eesn, et Wäikoni Mango Maritse sullase, nimmelt Karl Timert, Anz Kääst ja Mihkle Naeme, ei olle mitte üttel pühhapäiwal - kui üts ellai nakkaja põrna tõbbe kätte ärra lõpnu, perremees neile kigile kässu andnu, mõtsa ärra wija nink haud walmis kaiwa, sedda käsknu täütnu. Perremees essi lännu sedda Wallawanembale teeda andma nink mõisast lupja otsma.

Kottunn üttelnu weel Anz Kääst perra: "mes Herra sis essi wälja sõit, wõinu essi tedda tallitada."

Et nemma kässu sanu perremehhe käest, tunnistiwa kik tõttes.

Sai mõistetus: selle et selle holetusse läbbi, et nemma se rõipe ennegi wälja päle weijewa, sinnä ütsinda jättiwa nink hauda walmis es kaiwa, kost se tõbbi jälle wõinu eddesi kannetus saija, et Karl Timert nink Anz Kääst kumbge 2 Rublit 8 päiwa sissen trahwi masma peawa, ent Mihkle Naeme: kolmes päiwas türmi.

Karl Timert mass 2R. ärra.