Ostja Põrtus Jaan Altosaar lepse Johann Lintseriga nimodu, et Johann Lintser täämbatsest päiwast wõip kige omma maja=ellaja= nink täwwe põhhu kraamiga, kos sissen kik pik nink puddi õlg, aggan nink haina arwatu om, Põrtust tallust wälja minnä omma wastse kottusse Hansi Otti Tallo, ennegi peap Johann Lintser 20 kuppu pikki õlgi kattuste parrandamiste tarbis perra jätma. Selle eest et Johann Lintser kiki ellajide nink põhhuga säält aigsaste ärra saap minnema, masap Johann Lintser 10 Rublit Jaan Altosarele. Krusa weddamist Wastsekiwwi tee päle lepsewa nemma poles wetta, selle wast jät Wallawannemb Altosarele kolimaja tee krusa weo se aasta mahha.

Johann Lintser mass kümme Rublit kotsilt Jaan Altosare kätte ärra. Sellega olliwa mõllemba rahhule.

Johann Lintser lubbas Ott Lintseri nisammoti täämbatsest kige täwwe ellaja ja põhhu kramiga ärra minnä Koljohindriko Peter tallo.

Ott Lintser lubbas jälle nisammoti kige täwwe elaja ja põhhu kramiga täämbatsest päiwast Peter Reiwarti, Tokko Jani tallu ärra minnä.

Eestminnek Johann Lintseri ja Ott Lintseri wahhel nink Peter Reiwasti nink Ott Lintseri wahhel jäi polele.