Peter Essajas nõwwap omma welle Reino käest 15 Rublit, mes rahha temma Reinole kaitskümmend aastat taggasi üttel aastal andnu olles; ütskõrd 10 Rublit nink tõine kõrd 5 Rbl.

Rein Essajas ütles, et temma kaitskümmend aastat taggasi welle Petre käest ennegi ütskõrd 7 Rublit rahha wõlgu wõtnu nink arwas sedda ärra tassunu ollew pätoidusega, mes ta selle wasta wellel Petrele andnu, nimmet: 

2/3 wakka keswi 

1/3 wak linna seemend

2 punda räime kallu

1 pund heeringit - sukkugi

3 punda soola

½ punda raswa

ütles Peter ennegi sanu ollew nink 

selle wasta jälle Reinole andnu ollew: 1 wak rükki, 1 wak keswi nink saapa nahka 1½ Rubli eest. Rein es wõtta sedda tõttes nink ütles et temma welle käest ei rükki, ei keswi, ei ka 1½ Rubli eest nahka kumbagi mitte sanu.

Selle, et kummalgi tunnistajat ülles anda es olle, sai ennegi se tõttes arwatus, mes eggaüts neist essi tunnist sanu ollew, nimmelt: Rein welle Petre käest puhhast rahha 7 R.

Selle wast jälle Peter welle Reino käest:

2/3 wak keswi arwatu 1 Rbl 66 kop.

1/3    2    linna seemend 2 Rbl.

1 pund räimi 1 Rbl.

1    "     soola 40 kop.

½   "    raswa 1 Rbl.50 kop.

Lähhap mahha 6 R. 56 kop.

jääp Reinol wellel Petrele weel massa 44 kop.

Et kül ütski nõudminne kattekümne aasta takkast ennamb ei massa, sai siski neide henda tunnistuse perra mõistetus: et Rein Essajas wellele Petrele ne 44 kop. peap ärra masma.