Kristow Wellner teggi se kohtu een ommi poige Adami nink Mihkle wahhel selletust nimodu, et neist temmast ostetud kattest Siksi tallust temma, Kristow Wellner, ni kui ostmise Kontrahtin jo sisse kirjotetu, se Siksi tallu N 113 suur 13 Taadrit, 41 Krossi kige täwwega poja Mihklile nink se Siksi Tallo N 114 suur 12 Taadrit 12 Krossi kige täwwega pojale Adamile lubbab. Et nüüd poig Adam seni ajani neid katte nimmitedu tallun ütsinda piddi Essa kraamiga, lubbas Essa, Kristow Wellner, kik sedda kraami mes nimme ta ka kannap, mõllembile nimmitedu pojadele üttewisi poles. Sedda kraami and Essa essi ülles nink nimmit ka hinna mannu, nimmelt: 

poja Adamile: 

1 wanna kõrb ruun, wäärt 70 Rbl.

1 - 1 aastalinne wars   "      20   "

3 noort lehma a' 15 Rbl  "  45  "

2 õhwakest a' 5 Rbl.  "       10  "

5 wanna lammast a' 2 Rbl. 10  "

3 Zikka a' 5 Rbl.                   15  "

Summa 170 Rbl.

poja Mihklile: 

1 wanna ahk ruun, wäärt  70 Rublit.

1 wanna must märra  "      60    "

3 noort lehma a' 15 Rbl.   45    "

2 õhwakest a' 5 Rbl.         10     "

5 wanna lammast a' 2 Rbl. 10   "

3 Zikka   a' 5 Rbl.                15    "

Summa 210 Rublit.

Ne Essase üllesantu ellaja ommawa praego kik poja Adami käen nink jäwa ka weel se aastaig, ehk kui welli Mihkle tahhap, ka ilma nimmitamata aja päle eddesi welle Adami kätte nink jääp Mihklel se eenõigus lahkmisse man, kas temma nimmitedu ellaja ossast ehk kik, wai üllespantu temma ossa rahha 210 Rublit welle Adami käest eggal ajal nõuda. Kui ossat ellajid wõttap, sis saap sest rahha summast enneki siin mannu pantu hind mahha arwatud.

Lahkumise man annap Adam welle Mihkle röanurme täwweste ja kõrraperrast külwetu kätte nink päle selle weel kik tarwilinne suwwe wilja seem põllu harrimise sädusse perra, linnaseemend nimmelt kolm wakka. Sitt, haina, pik õlg, põhk nink aggana läwa kik poles. Üts laut, 4 süld pik 3 süld lai, mes Adam welle Mihkle tallust henda pole wiinu, lubbas Adam selle wastu wellele Mihklele wastsest walmis üllesehhitada päleki weel 4 süld, kigi piddi ilma Wundamendita ennegi, mes Mihkle assi jää. Ent kik muu töö nink materiali mannu nõutaminne omm kik Adami käest.

Kik pätoitust nink üllespiddamist mes üts Tallo perrekond nõwwap, lahkumise Jürripäiwast kunni wastsene põllu saagini lubbap Essa pojale Mihklele anda, nisammoti ka kik maja= põllu= nink tööriista, nimmelt adra, wankre, ree, ägli ja muido tõrdu ja annuma.

Mõisa wõllakirja tasumist to aja eest, kuni mani mõllembide tallude saak Adami kätte saap, toni mani ka Adam aastide nink suurust perra nimmitedu wõlgu massap, ent perrast, mes ajast Mihkle põllu sagi ommast tallust essi wõttap, massap tost ajast eddesi arwata aastide nink suurust perra nimmitedu wõlga omma tallu eest essi.

Kik Kahju mes Mihkle ellajile Adami käen peas juhtuma, kannap Adam.

Selle selletussega olliwa kik rahhule, Essa nihäste kui poig Adam nink Mihkle.