Kai Piraus kaibas se kohtu een, et temma omma mehhega kui läsknaine perremehhe Kuldi Jakob Albrechti teeninu kolm aastat; eddimatsel aastal olnu neil maa wõlgu antu rahha rendi eest nink olnu prii ja awwitanu Jakobit ennegi ajoti; ent tõine aasta olnu temma täwweline läsknaine, kelle palk siin wallan 1/3 wakala röa nink kewamaad ja 1 mattala oa ja erne maad om, sel aastal teninu nemma mõllemba Jakobit suwwel nink olnu neil keswa maa kolme Rubli eest ostetu. Selleperrast ütte aasta läsja naise keswa maa samata, nüüd sel kewwajal omma rüggaõlge se eest perra, keswa maas, kätte tahtwa, ent perremees neile es annas.

Jakob Albrecht tunnist sedda tõttes, et neil maas temma käest renditu olnu nink Kai Piraus omma mehhega ka läsja naise eest temma man olnu, mes temma eddimalt es tahha perra anda, nink neid ennegi kui päiwilisi henda man piddanu, et kül päiwarahha kunnagi mitte masnu ei olle.

Sai mõistetud: et Jakob Albrecht peap läsjanaisele Kai Piraus temma rüggaõlg keswas tetta perra andma to eest et temmal, Jakob Albrechtil henda tunnistusse perra, üts aastaig keswa maa samata jänu, mil aastal Kai Pirausil keswa maa omma rahha eest palgat olnu. Suremban kohtun käimisse sädus sai neile kulutedus.