Wörmöndre Mango Reiwart kaibas se kohtu een, kuis sullane Jaan Prisko kerriko tee parrandamise man liiwa maaga seggatu, kruusa assemele tonu, mitte ütsinda sedda käsku: liiwa mitte tee päle mahha laske, tähhele pandnu, enge Wörmöndret hobbese mant ärra tõuganu neide sõnnuga, sul ei olle se teega middage teggemist, nink nakkanu mahha ammutama, sellepäle wõtnu Wörmöndre temma lapju kinni, pellaten et ta löö, nink käsknu tedda tõine kõrd, sis tõuganu temma jälle henda mant ärra sõimaten: sinna kurradi eesli, kui sinna silmiga ei näe sis kae persega, kui sa persega ei tunne sis maitse suuga, ja kui sa suuga jaggu ei sa, sis osta hendale prilli, nink üttelnu: minna saisa essi omma tee otsa man nink wastuta omma tee eest. Sedda tunnist Hindrik Amos tõttes. 

Sai mõistetus: et Jaan Prisko wastapandmise, Wörmöndre tõukamise nink roppu häbbematta sõimamise eest 30 witsa lööki saap. 

Mango Prisko arwas sedda trahwi weitis nink palla Protokolli surembade kohtude minnä wälja, et niwisi ei tohhi jo üts ammetnik henda näidatage.

Se allkiri massap kiki Protokolli eest, mes sel 28 Aprilil  1872 N 202 kunni 208 om ülleswõetus sanu.

Päkohtomees Mango Marits XXX
Abbikohtomees Jaan Kreewald XXX

         d.                Johann Perw XXX

         d.                Jaan Rosenthal XXX