Kristine Tootsen Pühhajärwest kaibas se kohtu een, et temma nelli aastat taggasi nüüdse Wastse Anzmõisa seppaga Anz Kolk, tol ajal mõllemba Wanna Anzmõisa teenistusen, lihhalik seggaminne olnu nink temma ütte tütre ilmale tonu, mes jo ülle kolm aastat wanna om, henda jõwwust sedda last eni ajani üllespiddanu, ent nüüd ennamb es jõwwa, nink pallel sedda kohhut, se nimmitet latse Essa Anz Kolga käest tälle abbi üllekaswatmises mõista. 

Anz Kolk wastut küssimise päle, et temmal Kristine Tootseniga märastke lihhalikko seggamist olnu, ei tunnski paljo sedda tütrikut nink es olles mitte selle latse Essa. Et kül säran kaibus tütriku pool pikkale jänu, sai siski kuulda wõetus nink 

mõistetus: selle et Anz Kolk koggoni ärra sälgap Kristine Tootsen sedda asja tunnistusse läbbi peap tõttes teggema. Sellepäle es anna Kristine Tootsen ütteki tunnistajat ülles ütteldes, et temma se latse sija jättap, mes wasta tälle ütteldus sai, et sedda temma tetta ei tohhi, wõib ennegi suremban kohtun omma õigust otsi.