Tütrik Lotta Hubel asjun tunnist Peter Sõnna, Urwastest, et temma Wastse aasta ümbre, Koljohanso Johann Maritse pool teenistust otsman käinu, ööd sääl olnu nink nännu kui perremees Johann Marits tütriko üska wõtnu nink tagga kambre wiinu, kos temma säng saisnu, lühhidelt enne maggama minnemist, perran õddango sööki.
Karjalats Lena Kammrad tunnistas, et temma es olles Lottat üllesajanu nink lauda kasima kambre kutsnu, mes jo ärra kasitu olnu.
Sullane Peter Kolga and tunnistust, et temma ütteke sõbritsemist perremehhe nink tütrik Lotta wahhel ösel nännu ei olle, ent päiwa olle kül mõnnikõrd Johann Marits Lottaga nurme pääl hullanu.
Peter Kolga sai küssitus, kas sinna Johann Maritsega se näddali koon ollit, ütles ei olle olnu,ent kui sai küssitus, mes Johann Marits sis käwwe sinno pool Allamatsi tallun, ütles Peter, et käwwe kül minnul palkrahha masma se neljapäiwa õddangul, se om eila sel 26 Oktobril, nink mass mulle 10 Rublit palkrahha ja jäi 3 Rublit weel wõlgu, keake sedda ei olle nännu, selle et kik jo magganu.
Johann Marits ütles küssimise päle, Peter Kolgaga se näddali mitte kokko sanu ollew nink olnu perrakõrd se pühhapäiwa 3 näddalit taggasi, sel 1. Oktobril, kerriko man koon. Ka ütles Johann Marits minnewa aasta palk 18 ½ Rublit Peter Kolgale täämbatsest päiwast weel wõlgu ollew. Johann Marits sallas kõwwaste ärra, mitte Allamatsi pool käino ja 10 Rublit Peter Kolgale masnu ollew.
Sai mõisteetus: Kige selle tunnistusse pääl et Johann Maritz sõbrust piddanu, mes temma saisussen kui perremees jo hä eenkoju polest es passi, nink perrast tunnistajat Peter Kolga 10 Rubli rahhaga waigistanu, ärra ostnu, nink wimate ka tütriko koon ellamise aig temma mahha samissega kokko sünnip, se põhja pääl ni häste kui to perrast, et Peter Kolga tunnistap, et temmal palkrahha Johann Maritsa käest päle kätte sadu nimmitedu 10 Rubli weel 3 Rublit saija om, mes wasta Johann Mariz tunnistas, et temmal Peter Kolgale 18½ Rublit palkrahha weel massa om, minlast nätta et se üts wälja mõttelt wõlg om, om Johann Marits süüdlane nink peap Johann Marits egga aasta 1 wak rükki, 1 wak keswi nink üts Rubli rahha ehk üttekokko 6 Rublit puhhast rahha abbis latse ülleskaswatada masma, kunni lats 10 aasta wannas sanu.
Suremban kohtun käimise sädus sai neile kuulutedus.
Tütrik Lotta Hubel asjun tunnist Peter Sõnna, Urwastest, et temma Wastse aasta ümbre, Koljohanso Johann Maritse pool teenistust otsman käinu, ööd sääl olnu nink nännu kui perremees Johann Marits tütriko üska wõtnu nink tagga kambre wiinu, kos temma säng saisnu, lühhidelt enne maggama minnemist, perran õddango sööki.
Karjalats Lena Kammrad tunnistas, et temma es olles Lottat üllesajanu nink lauda kasima kambre kutsnu, mes jo ärra kasitu olnu.
Sullane Peter Kolga and tunnistust, et temma ütteke sõbritsemist perremehhe nink tütrik Lotta wahhel ösel nännu ei olle, ent päiwa olle kül mõnnikõrd Johann Marits Lottaga nurme pääl hullanu.
Peter Kolga sai küssitus, kas sinna Johann Maritsega se näddali koon ollit, ütles ei olle olnu,ent kui sai küssitus, mes Johann Marits sis käwwe sinno pool Allamatsi tallun, ütles Peter, et käwwe kül minnul palkrahha masma se neljapäiwa õddangul, se om eila sel 26 Oktobril, nink mass mulle 10 Rublit palkrahha ja jäi 3 Rublit weel wõlgu, keake sedda ei olle nännu, selle et kik jo magganu.
Johann Marits ütles küssimise päle, Peter Kolgaga se näddali mitte kokko sanu ollew nink olnu perrakõrd se pühhapäiwa 3 näddalit taggasi, sel 1. Oktobril, kerriko man koon. Ka ütles Johann Marits minnewa aasta palk 18 ½ Rublit Peter Kolgale täämbatsest päiwast weel wõlgu ollew. Johann Marits sallas kõwwaste ärra, mitte Allamatsi pool käino ja 10 Rublit Peter Kolgale masnu ollew.
Sai mõisteetus: Kige selle tunnistusse pääl et Johann Maritz sõbrust piddanu, mes temma saisussen kui perremees jo hä eenkoju polest es passi, nink perrast tunnistajat Peter Kolga 10 Rubli rahhaga waigistanu, ärra ostnu, nink wimate ka tütriko koon ellamise aig temma mahha samissega kokko sünnip, se põhja pääl ni häste kui to perrast, et Peter Kolga tunnistap, et temmal palkrahha Johann Maritsa käest päle kätte sadu nimmitedu 10 Rubli weel 3 Rublit saija om, mes wasta Johann Mariz tunnistas, et temmal Peter Kolgale 18½ Rublit palkrahha weel massa om, minlast nätta et se üts wälja mõttelt wõlg om, om Johann Marits süüdlane nink peap Johann Marits egga aasta 1 wak rükki, 1 wak keswi nink üts Rubli rahha ehk üttekokko 6 Rublit puhhast rahha abbis latse ülleskaswatada masma, kunni lats 10 aasta wannas sanu.
Suremban kohtun käimise sädus sai neile kuulutedus.
