Kassimõisa kubjas Peter Thal kaibas, et Johann Kamel tedda wargas sõimanu, nimmelt et Peter Thal olles kaits wakka mõisa rükki, üts haina kuhhi nink laude warrastanu.

Johann Kamel ütles, kui Peter Rigow temma käest temma welle Jani Kameli wõlga 25 Rublit nõudnu, üttelnu Johann Kamel, no to iks kätte saat, selle et Jaan Kamel ütles, et täl Peter Thali käest 80 Rbl saija olles. Selle päle wihhastanu Peter Thal ärra nink sõimanu tedda, et temma kolm hobbest warrastanu, selle trotsmise päle wastutanu sis ka Johann Kamel pilkamise kombel, et sinna ollet essi kaits wakka mõisa rükki nink kuhhi haino warrastanu.