Johann Pormeistre kaibuse päle tunnist Jacob Nerer, et temma Johann Reismanni ütlemise päle, et kae karja Marja raiskaja tulle, temma tälle mannu lännu, kübbara täl mahha löönu nink tedda juusist tutsutanu.

Sedda tunnist ka Samul Kallion, kui Junno Kubbi Jakob Nereri koonellamist nimmitedu Marjaga selletanu, üttelnu Johann Pormeistre, ärra kõnnelgu, Jakob tulle ja löö.

Junnu Kubbi tunnist, et Jakob Nerer kaits kõrd kõrra tarren tütriko Marja man käino maggama, püksi mahha tõmmanu nink neide lihalikko seggamist kuu walgel ööl nännu.

Jaan Pajo tunnist, et kui Junnu Kubbi rehhe alla selletanu Jakob Nereri koonllamist Marja Kallioniga, kui Jacob rehhest tulnu üttelnu Samul Kallion, kulle nüüd Jakob, sinna ollet iks karja Marja man käinu, sellepäle üttelnu Junnu peljaten, et Johann Pormeister sedda sellet. Anz Kreewald tunnist sedda samma.

Koonellamise ja Marja man käimise sallas Jacob Nerer koggoniste ärra. Lömise perrast kästi Jakob Nererit andis pallema, mes Jakob Nerer ka teggi nink and Johann Pormeistre tälle andis. Ent tütrik Marja Kallion ei olle seni ajani essi se ülle kaibanu nink jäi se assi tütriko Marja perrast kaemise päle mes eentullew aig toop.