Jaan Tuwwikene kaibas: "Sel 13. Nowembril s.a. wõtse Hans Mendik minno käest tasku kella ärra nink andse tedda Johann Joakit kätte. Kui minna Hans Mändik käest sedda omma kella taggasi nõudma nakkasi, näitas Hans Mändik omma kella nink ütles: "Kas se sinno kel om, " ent minna wõtse Hans Mendike käest temma kella ärra, agga sis tulli Hans Mändik, Johann Joakit, Karl Andreij, Jürri Mändik, Peter Raggul ja Alexander Kiwwi minnole ümbre ja leiwa minnole russikidega pähha ja winnasiwa minno hiussid möda, agga minna es anna kella mitte ärra, enge wõtse Päkohtomees Märt Lüüs minno käest se kella ärra. Minna olle nüüd ommast 15 rublalisest kellast ilma ja om minnol 9 rublaline pukskin pallito ärra lahhutus sanu.
Hans Mändik (Lutteri usko) andse nidate tunnistust: "Se om wõls, et minna Jaan Tuwwikese käest kella ärra olles wõtnu, ent sedda näggi minna kül, et minno welli Jürri ja essa Willem sedda Jaan Tuwwikese kella kaesi. Se om ka wõls, et minna Jaan Tuwwikest olles lönu ehk temmal särki ärra olles lahknu. Sedda näggi minna kül, et Karl Andreij, Jaan Kuiw ja Alexander Kiwwi Jaan Tuwwikest ollewat kisknu ja tõuganu."
Johann Joakit (Lutteri usko) andse nidate kostust: "Minna ei tija sellest middake, kas Jaan Tuwwikesel kella olli wai mitte, ei ka et temma kella keski olles wõtnu, weel wähhemb, et temma minno henda kätte olles sanu. Sellest ei tija ka minna middake, et Jaan Tuwwikest keski olles lönu ja tõuganu ehk temma pallitot lahknu."
Peter Raggul (Kreeka usko) andse nidate kostust: " Sellest minna middake ei tija kus Jaan Tuwwikese kel jääs, ei tija ka ülleültse, kas temmal kella olli wai mitte. Kui Karl Andreij Jaan Tuwwikest wälja wija tahtse sis lahkse Jaan Kuiw Jaan Tuwwikesel pallitu sälja ärra. Minna essi Jaan Tuwwikest mitte putnu ei olle."
Kui nüüd Jürri Mändik, Michel Kängsepp (Linamäelt) täämbas mitte kohto ette tulnu es olle, omma nemma selles 8. Decembris s.a. ette tallitada.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Andrus Püwwi XXX
Jaan Tuwwikene kaibas: "Sel 13. Nowembril s.a. wõtse Hans Mendik minno käest tasku kella ärra nink andse tedda Johann Joakit kätte. Kui minna Hans Mändik käest sedda omma kella taggasi nõudma nakkasi, näitas Hans Mändik omma kella nink ütles: "Kas se sinno kel om, " ent minna wõtse Hans Mendike käest temma kella ärra, agga sis tulli Hans Mändik, Johann Joakit, Karl Andreij, Jürri Mändik, Peter Raggul ja Alexander Kiwwi minnole ümbre ja leiwa minnole russikidega pähha ja winnasiwa minno hiussid möda, agga minna es anna kella mitte ärra, enge wõtse Päkohtomees Märt Lüüs minno käest se kella ärra. Minna olle nüüd ommast 15 rublalisest kellast ilma ja om minnol 9 rublaline pukskin pallito ärra lahhutus sanu.
Hans Mändik (Lutteri usko) andse nidate tunnistust: "Se om wõls, et minna Jaan Tuwwikese käest kella ärra olles wõtnu, ent sedda näggi minna kül, et minno welli Jürri ja essa Willem sedda Jaan Tuwwikese kella kaesi. Se om ka wõls, et minna Jaan Tuwwikest olles lönu ehk temmal särki ärra olles lahknu. Sedda näggi minna kül, et Karl Andreij, Jaan Kuiw ja Alexander Kiwwi Jaan Tuwwikest ollewat kisknu ja tõuganu."
Johann Joakit (Lutteri usko) andse nidate kostust: "Minna ei tija sellest middake, kas Jaan Tuwwikesel kella olli wai mitte, ei ka et temma kella keski olles wõtnu, weel wähhemb, et temma minno henda kätte olles sanu. Sellest ei tija ka minna middake, et Jaan Tuwwikest keski olles lönu ja tõuganu ehk temma pallitot lahknu."
Peter Raggul (Kreeka usko) andse nidate kostust: " Sellest minna middake ei tija kus Jaan Tuwwikese kel jääs, ei tija ka ülleültse, kas temmal kella olli wai mitte. Kui Karl Andreij Jaan Tuwwikest wälja wija tahtse sis lahkse Jaan Kuiw Jaan Tuwwikesel pallitu sälja ärra. Minna essi Jaan Tuwwikest mitte putnu ei olle."
Kui nüüd Jürri Mändik, Michel Kängsepp (Linamäelt) täämbas mitte kohto ette tulnu es olle, omma nemma selles 8. Decembris s.a. ette tallitada.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Andrus Püwwi XXX
