Kohtomees Juk Hansi kaibas, et Samul Zimmer tedda siin kohto een "hattas" sõimanu om. Tõiselt, et Samul Zimmer üttelnu, et minna ollewat Koosa Hindrike weski ommast materialist ehhitanu ja weski ratta hamba andnu. Kolmandat, et minna ollewat Samul Zimmeri ütlemisse perra temma mehhitsid üts tõine kõrd warrastanu ja Peter Thom'ele mee lännikuga wasta tulnu ja et minna Andrus Leppikega Samul Zimmeri aijast mehhitse warrastanuja se warrastedu mehhitse pakku kussalas ülles säädnu. Neljandamalt, et Samul Zimmer temmale kohto edde tarren üttelnu, et temma Juk Hansi, ollewat omma nelli last ärra tapnu, ja wiijemal latsel, kes ellab, kõrwast orraga läbbi ajanu ja et temma, Juk Hansi, emma nõid ollewat nida sammute et temma Krono warras ollewat. Wijendamalt, et Juk Hansi Tõnnise Karl Reiljanile planke andnu. Kuwwendamalt, et temma Juk Hansi, Kaagwerest waate warrastanu ja Seitsmendamalt, et ne Juk Hansi pool lõitu planki keik warrastedu omma nink Kattesamalt, et minnol Kauksihansi tallon warrastedu planki ollewat, keddas agga koggokonna ammetniku mitte lõidnu olle, Üttesamalt, et Kõli mõtsawaht Jaan Daniel temmale mõisa kõiwe andnu. Kummenmalt, et Samul Zimmer siin kohto een ollewate mehhitse wargatele kohto eddetarren üttelnu, et nemma Juk Hansi selli ollewat. 

Samul Zimmer kostis neide kaibuste päle nidate.

1 punkt. Se om õige, et minna Juk Hansit "hattas" sõimanu, selle perrast et temma minno emma kohto eddetarren nida modu trotsnu, et temma 38 aasta eest tarre ärra sitnu ollewat, keddas Juk Hansi ollewat wälja puhhastanu, ent Juk Hansi es olle sel kõrral suggugi weel mitte sündinu, selle päle ütli minna ka Juk Hansile sedda roppu sõnna;

2 punkt. Et Juk Hansi ütles, et minna kõiwu puud Sangastele andnu, ütli minna kül temmale, et temma wahhest essi om andnu;

3 punkt. Minna tõist mehhitse wargust Juk Hansi ülle tunnistanu ei olle, kun ennegi sedda, mes Protokoll No    näitab, ent P. Thom ütles minnole kül jobunu pääst, et Juk Hansi Annemõisa poolt tulnu ja üts lännik rätti sissen käen olnu middas agga Peter Thom nüüd salgas üttelnu ollewat. Andrus Leppikut ei olle minna mitte ülles andnu;

4 punkt. Sedda minna mitte üttelnu ei olle, et Juk Hansi omma latse tapnu, agga sedda kül, et Juk Hansi riigi warras om ja temma emma nõid, selleperrast et Juk Hansi minnole üttelnu, et minna omma nõnna wõin Pühha Marja p.... zussata;

5 punkt. Ei olle üttelnu;

6 punkt. Wargas mitte sõimanu, agga ülles andnu et Juk Hansil wõera waadi olli, middas ka koggokonna kohhus lõidnu;

7 punkt. ei olle üttelnu;

8 punkt. Ei olle üllesandnu ehk üttelnu, mõisa wallitsusse kässu päle perra otsmine olnu

9 punkt. Ei olle üttelnu;

10 punkt. Ei olle üttelnu. 

Juk Hansi sõimas minno ka kohto eddetarren nidate, et minna ollewat ni suur warras, kui mõisawallitsus sedda tijas, minna ütte tunniga mõisa majan ellada es wõis ja sellest ajast sani kui minna maja olle piddama nakkanu, ei ollewat minna mitte naisega, enge litsega maija piddanu."

Juk Hansi kostis selle perrametse Samul Zimmer kaibuse päle nidate: "Wargas minna Samul Zimmerit mitte sõimanu ei olle, agga sedda litsiga kokko ellamist olle minna kül üttelnu, selle perrast, et sedda kõik muu innimisse ka kõnnelnu."

Samul Zimmer ja Juk Hansi leppisiwa henda wahhel, et nemma neid siin een saiswid trotsimisse sõnnu tõine tõise käest ei nõwwa, ja ka sedda mis Juk Hansi paija wargusse perrast Samul Zimmeri ülle ülles antu, om ärra leppitu. 

Päkohtomees Märt Lüüs XXX

Kohtomees Werdi Leinus XXX

   "  Andrus Püwwi XXX

Abbikohtomees Rein Libeon XXX