Kiltre koolmeister Jaan Rebane kaibas:
"1. Kui minna enne Talwiste-pühha üttel pühhapäiwal palwet piddasi, sis narsse Andrus Pill, Märt Reilik, Karl Puk, Märt Puk, Josep Hommik palwe-piddamisse ajal ni et muude palwe tunnin ollewade innimeste palwe essitedus sai. Tunnistaja Johann Jasmann ja Rein Habsalon nink Karl Zimmer.
2. Talwiste eddimetse pühha õddakul ollewat poistel nõu peetu minno kolitarrest wälja wija. Perran kui palwe ärra peetus sai jäiwa laulja latse weel kolitarre kellega minna weel laulse; selle aja sissen olli Johann Pill, Andrus Pill, Jaan Hansi, Märt Reilik, Rein Habsalon, Karl Puk, Eduard Waak, Märt Puk, Josep Hommik ja Jaan Pärsimäggi nink Ado Trull minno omma tarre lännu nink puhta põrmandu mustas nink liggedas tennu, kelle perrast minna neile ütlesi, ent sis ütles Johann Pill: "Nisuggustile koerdele kes sija kokko käuwa (seal olli laulja arwatu) wõtta piitsk nink pessa kui külla koerde," kelle päle minna Johann Pillile ütli, et kas temmal mitte parrembat tetta ei olle kui kutsikid oppata, mis päle Johann Pill minnole russikut näitas nink sedda lauda wasta löös ja minnole ütles: "Kui sinna kutsikide oppaja ollet sis too minna sinnole 100 tükki, 10 rubla tük; Kas sinna arwat henda keige targemba arwat ollewat, se kolimaja om meil."
Perrast ütles Johann Pill tõistele: "Nüüd poisi, täämbatsest õddakust tulge minnole perra, meije tahhame kaeda, kas meid neid wõin oppata wai mitte," nink lätsiwa selle päle tõine tõise taggan ärra.
Johann Pillil ollewat sel kõrral üts puddel napsi ütten olnu nink tõisile poistele Rautseppa tallon ja muijal napsi juwwa andnu.
Keskmetse pühha hommukul kui rahwas palwele kokko tullemas olli, ollewat Märt Reilik enne minno kolitarre tullekit selle lawwa taggan, kun minna palwet pean, saisnu nink kommedit tennu ja ommal wiisil jutlust piddanu nink sõimu sõnnu üttelnu.
3. Nüüd päle pühhade, kui minna kaibust kohtule sisse olli andnu, ollewat Andrus Pill Hansi majan üttelnu: "Mis sinna (selle al minna arwatu) rikkidega kohtole tullet, nüüd om kass aja wahhel, kül rikka mehhe tedda pitsitawa. "Nida ka, et minna kaarti mängnu nink tütrike man käunu."
Kaibadaw Andrus Pill (Lutteri usko) andse neide kaibuste päle nidate kostust:
"1. Se om wõls, et minna ehk muu palwe ajal naardnu, ent sis kui koolmeister sõnnu laulmisses ette ütles agga weel mitte sõnna es olle ärra üttelnu, nakkas Rein Habsalon enne aigu laulma, misperrast minna ka kül naeratasi.
2. Meije olli kül koolmeistre tarren ent sis käskse koolmeister Johann Pillil tarre puhtas tetta (pühki). Perrast ütles Jaan Rebane Johann Pillile: "Minna soeta hendale ütte kutsiku sis tulle sellele koolmeistres," kelle päle Johann Pill ütles: "Minna osta 100 kutsikut, ja tulge neile koolmeistres."
Muud ei olle minna sel kõrral ennamb nännu ei ka kuuldnu. Et minno welle Johannil napsi sel päiwal olnu, ei olle minna nännu.
3. Se ei olle mitte õige, et minna Hansi pool koolmeistre ülle midda üttelnu olles.
Minna olle minnewa suwwe Jaan Rebaseka Pukka pool ööse tütrike man kännu agga tüdruk es lasse meid sisse. Se om õige, et meije koolmeistrega kaarte olle mängnu."
Kaibadaw Märt Reilik (Lutteri usko) andse nidate kostust:
"1. Nidasammute kui Andrus Pill om kostnu.
2. Kui meije koolmeistre tarren olli ja koolmeistre ütles, et misperrast meije tarre ärra olle tattitanu ütles Jaan Pärsimäggi: "Kui koolmeister teid tarre puhhastama pand, sis peate ik's ärra puhhastama," kelle päle Joh. Pill Jaan Pärsimäele ütles: "Säratsi kutsiku haukumist, kui sinna ollet, ei panne minna tähhele, ent kui koolmeistre ütles se om tõine assi." Sis ütles koolmeistre Joh. Pillile: "kui sinna kutsika oppaja ollet, sis oppa ka minno kutsikut, keddas minna hendale soeta." Selle päle ütles Johann Pill: "Minna osta 100 kutsikut, 10 rubla tük, sis tulle neid oppama." Meije lätsime sis tõine tõise perran ärra, Johann Pill läts keige eddimelt nink jaggas enne sedda koolmeistre weepuddelist tõistele wet.
Se om wõls, et minna keskmetse pühhal kolimajan kommedit olles tennu ehk jutlust üttelnu.
3. Muud ei tija minna middake, ennegi sedda, et minna mittu kõrda koolmeistre pool kaarte olle mängnu."
Kaibadaw Karl Puk (Lutteri usko) kostis selle kaibuse päle nidate:
"1. Nidasammute kui Andrus Pill, agga minna essi mitte es naara.
2. Enne palwe tundi käwwe minna kül koolmeistre tarren, agga perran palwet lätsi minna ärra koddo nink ei tija middake tunnistada. Tõisel pühhal es olle minna mitte palwe tunnin, nink ei tija ka mis sääl sündinu.
3. Sellest juttust, mis Andrus Pill Hansi pool ollewat kõnnelnu, ei tija minna middake, ei ka sellest, et koolmeistre tütruke man olles kännu ehk kaarte mängnu. "
Kaibadaw Märt Puk (Lutteri usko) andse selle kaibuse päle nidate kostust: "Minna enne Talwiste pühha sel pühhapäiwal kolimajan es olle nink ei tija ka mis sääl sündinu.
2. Perran palwe tundi ja kui koolmeistre lastega weel laulma es olle nakkanu, olli minna kül koolitarren nink lätsi säält Karl Puk ja Peter Pilliga ärra, ent minna sääl üttegi sõnnawaeltust es kuule; tõise jäiwa koolmeistre tarre. Sedda ei olle minna mitte nännu, et Johann Pillil sel päiwal wiina olles olnu.
3. Minna ei olle kuuldnu et Andrus Pill koolmeistret olles laimanu, ei ka sedda, et temma tütrike man olles käunu ehk kaarte mängnu."
Kaibadaw Josep Hommik (Lutteri usko) andse nidate tunnistust:
"1. Minna ei olle mitte palwe tunni ajal naardnu.
2. Minna ei olle eddimetse pühha õddakus mitte kolimajan ja ei wõi (tija) ka üttegi tunnistust anda, nida es olle minna ka keskmitse pühha hommukul mitte palwe majan.
3. Sellest ei tija minna middake tunnistada, et Andrus Pill koolmeistret olles laimanu ehk trotsnu, ei ka et koolmeistre tütruke man olles käunu ehk kaarte mängnu."
Kaibadaw Johann Pill (Lutteri usko) andse nidate kostust:
"2. Kui koolmeister Jaan Rebane minnole ütles, et temma minnolt wõib omma tarre ärra puhhastada (pühki) laska, es ütle minna koolmeistrele üttegi halwa sõnna, ent kui koolmeister minno kutsika koolmeistres nimmitas. Se om ka õige et minna koolmeistre weeklasist wet jõin. Minna lätsi enne tõisi ärra. Wiina es olle minna kellegile jagganu ei ka et minnol essi sel päiwal wiina olles olnu.
3. Sedda minna mitte ei wõi tunnistada, et koolmeistre tütrike man olles käunu, agga se om kül õige, et minna koolmeistrega mittu kõrda temma pool kaarte olle mängnu. "
Soldat Jaan Hansi (Lutteri usko) andse nidate kostust:
"2. Minna olli kül koolmeistre tarren eddimetse pühha õddakul agga minna luggesi ütte ramatut ni et minna middake tähhele es panna. Sedda ka minna es näe, et Johann Pillil napsi olles ütten olnu.
3. Minnewa suwwe näggi minna kül kui Jaan Rebbane, Juk Thal ja Rein Habsalon kaarte mängse. Sedda minna ei wõi tunnistada, et koolmeistre tütrike man olles käunu. Minna olli kül Andrus Pilliga Hansi pool, agga sedda minna es kuule et temma koolmeistret olles laimanu ehk trotsnu."
Tunnistaja Rein Habsalon (Lutteri usko) andse nidate tunnistust:
"1. Enne talwiste pühha üttel pühhapäiwal naardse Andrus Pill, Märt Reilik, Josep Hommik, sedda, et Andrus Pill palwe ajal wiggurid teggi, middas minna ka keeldse kelle päle Andrus Pill minno perran ähwardas.
2. Kui palwe rahwas ärra lätsi, sis lätsi minna ja Jaan Pärsimäggi koolmeistre kambrele kun Johann Pill Jaan Pärsimäggile ütles: "Säratsile kutsikile anna minna piitsaga pihta ja sadan neid kõrwale," kelle päle koolmeister Johann Pillile ütles: "Kas sinna sis kutsikide koolmeistre ollet." Johann Pill ütles sis koolmeistrele: "Sinna ollet sija kutsikude koolmeistres toodu, minna osta täämba õddaku 100 kutsikut, egga kutsik 10 rubla, ja anna neid sinnole oppata."
Kelle päle Jaan Rebane Johann Pilli keeldse nink sis läts Johann Pill wälja, üttelden: "Minna lähha kui mees teed möda, agga tõise kui kunna." Keskmetsel pühhal enne juttust olli minna koolmeistre tarren nink sis kuuldse minna kui Märt Reilik ja Andrus Pill kolitarren kõwwaste kõnnelesi ja sõimu nimme nimmitasi.
3. Andrus Pill kõnneles Hansi tallon nidate, kun minna tööl olli: "Nüüd om kass aija wahhel, nüüd wõib sabbast pitsitada; kui waene rikkitega kohtule lät sis peat temma häste sama." Et koolmeistre tüdrukude man käunu ehk kaarte mängnu, ei wõi (tija) minna tunnistada.
Sel pühhapäiwal kui ne poisi palwe ajal naardse, olli Andrus Pillil üts põrknas käen, kellega temma häbbemata wisil mängse nidasammute teggi ka Soldat Jaan Hansi. perran sai minna se põrkna henda kätte nink teggi sedda katski."
Andrus Pill ja Jaan Hansi kostsewa, et neide käen mitte põrknat ei olle olnu, agga Rein Habsalon ollewat essi sedda teggu tennu.
Tunnistaja Eduard Wunk (Lutteri usko) andse nidate tunnistust: "Andrus Pill ja Jaan Hansi ütli minnol kolitarre man et minna Rein Habsalon wööd katski lõikas.
2. Eddimetse pühha õddakul olli minna ka koolmeistre tarren kun sis Johann Pill ja Jaan Pärsimäggi tõine tõisega wõisklesi nink kui Joh. Pill Jaan Pärsimäggile ütles: "Säratsile pennele kes kõrwalt haukwa om pitsaga lahku," wastutas Jaan Pärsimäggi: "Sis ollet sinna õige penne oppaja," keddas ka koolmeistre ütles, kelle päle Johann Pill koolmeistrele ütles: "Täämba õddaku osta minna 100 penni (kutsikut), 10 rubl. tük, ja anna sinnole oppata." Perran näggi minna kui Johann Pill ärrä läts, et temma russikut lauda wasta löös.
3. Andrus Pill kõnneles Hansi pool: "Nüüd om kass aija wahhel, sabbast häste pitsitada et häste röök."
Tunnistaja Ado Trull (Lutteri usko) andse nidate tunnistust:
"2. Eddimetse pühha õddakul olli minna ja paljo tõisi koolmeistre tarren kun sedda samma ette tulli mis koolmeistre ülles kaiwanu, agga sedda et Johann Pill russikuga ähwardanu ehk lauda wasta löös es näe minna, nida ka es kuule minna sedda et Johann Pill ärra minneki man tõisi olles ülles kihhentanu.
Muud ei tija minna middake ennamb tunnistada."
Tunnistaja Jaan Pärsimäggi (Lutteri usko) andse nidate tunnistust:
"2. Eddimetse pühha õddaku olli minna tõistega koolmeistre tarren, sis ütles koolmeistre et temma mustas tettu tarre wõis puhtas tetta laska, kelle päle minna ütlesi: "Kui luwwa kätte annab peate iks puhtas teggema." Mis päle Johann Pill minnole ütles: "Säratsid kutsikid, kui sinna, tunne minna kül, ja oppa ruttu pitsaga ärra." Sis ütles koolmeistre et kas Joh. Pill sis kutsikide koolmeistre om, kelle päle Joh. Pill ütles: "Kui sinna selle pääl siin ollet kutsikid oppaman sis minna osta sinnole täämba 100 tükki, 10 rubla tük, oppamisses." Sis kargas Joh. Pill toli päält ülles ja löös henda rinda wasta nink ütles: "Minna lähha kui mees wälla, tulge minnoga ütten."
Muud ei tija minna middake ennamb tunnistada."
Kui nüüd keik tunnistaja täämbas mitte ette tulnu ei olle, omma nemma selles 19. Januaris s.a. ette tallitada:
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Andrus Püwwi XXX
Kae No 7.
Kiltre koolmeister Jaan Rebane kaibas:
"1. Kui minna enne Talwiste-pühha üttel pühhapäiwal palwet piddasi, sis narsse Andrus Pill, Märt Reilik, Karl Puk, Märt Puk, Josep Hommik palwe-piddamisse ajal ni et muude palwe tunnin ollewade innimeste palwe essitedus sai. Tunnistaja Johann Jasmann ja Rein Habsalon nink Karl Zimmer.
2. Talwiste eddimetse pühha õddakul ollewat poistel nõu peetu minno kolitarrest wälja wija. Perran kui palwe ärra peetus sai jäiwa laulja latse weel kolitarre kellega minna weel laulse; selle aja sissen olli Johann Pill, Andrus Pill, Jaan Hansi, Märt Reilik, Rein Habsalon, Karl Puk, Eduard Waak, Märt Puk, Josep Hommik ja Jaan Pärsimäggi nink Ado Trull minno omma tarre lännu nink puhta põrmandu mustas nink liggedas tennu, kelle perrast minna neile ütlesi, ent sis ütles Johann Pill: "Nisuggustile koerdele kes sija kokko käuwa (seal olli laulja arwatu) wõtta piitsk nink pessa kui külla koerde," kelle päle minna Johann Pillile ütli, et kas temmal mitte parrembat tetta ei olle kui kutsikid oppata, mis päle Johann Pill minnole russikut näitas nink sedda lauda wasta löös ja minnole ütles: "Kui sinna kutsikide oppaja ollet sis too minna sinnole 100 tükki, 10 rubla tük; Kas sinna arwat henda keige targemba arwat ollewat, se kolimaja om meil."
Perrast ütles Johann Pill tõistele: "Nüüd poisi, täämbatsest õddakust tulge minnole perra, meije tahhame kaeda, kas meid neid wõin oppata wai mitte," nink lätsiwa selle päle tõine tõise taggan ärra.
Johann Pillil ollewat sel kõrral üts puddel napsi ütten olnu nink tõisile poistele Rautseppa tallon ja muijal napsi juwwa andnu.
Keskmetse pühha hommukul kui rahwas palwele kokko tullemas olli, ollewat Märt Reilik enne minno kolitarre tullekit selle lawwa taggan, kun minna palwet pean, saisnu nink kommedit tennu ja ommal wiisil jutlust piddanu nink sõimu sõnnu üttelnu.
3. Nüüd päle pühhade, kui minna kaibust kohtule sisse olli andnu, ollewat Andrus Pill Hansi majan üttelnu: "Mis sinna (selle al minna arwatu) rikkidega kohtole tullet, nüüd om kass aja wahhel, kül rikka mehhe tedda pitsitawa. "Nida ka, et minna kaarti mängnu nink tütrike man käunu."
Kaibadaw Andrus Pill (Lutteri usko) andse neide kaibuste päle nidate kostust:
"1. Se om wõls, et minna ehk muu palwe ajal naardnu, ent sis kui koolmeister sõnnu laulmisses ette ütles agga weel mitte sõnna es olle ärra üttelnu, nakkas Rein Habsalon enne aigu laulma, misperrast minna ka kül naeratasi.
2. Meije olli kül koolmeistre tarren ent sis käskse koolmeister Johann Pillil tarre puhtas tetta (pühki). Perrast ütles Jaan Rebane Johann Pillile: "Minna soeta hendale ütte kutsiku sis tulle sellele koolmeistres," kelle päle Johann Pill ütles: "Minna osta 100 kutsikut, ja tulge neile koolmeistres."
Muud ei olle minna sel kõrral ennamb nännu ei ka kuuldnu. Et minno welle Johannil napsi sel päiwal olnu, ei olle minna nännu.
3. Se ei olle mitte õige, et minna Hansi pool koolmeistre ülle midda üttelnu olles.
Minna olle minnewa suwwe Jaan Rebaseka Pukka pool ööse tütrike man kännu agga tüdruk es lasse meid sisse. Se om õige, et meije koolmeistrega kaarte olle mängnu."
Kaibadaw Märt Reilik (Lutteri usko) andse nidate kostust:
"1. Nidasammute kui Andrus Pill om kostnu.
2. Kui meije koolmeistre tarren olli ja koolmeistre ütles, et misperrast meije tarre ärra olle tattitanu ütles Jaan Pärsimäggi: "Kui koolmeister teid tarre puhhastama pand, sis peate ik's ärra puhhastama," kelle päle Joh. Pill Jaan Pärsimäele ütles: "Säratsi kutsiku haukumist, kui sinna ollet, ei panne minna tähhele, ent kui koolmeistre ütles se om tõine assi." Sis ütles koolmeistre Joh. Pillile: "kui sinna kutsika oppaja ollet, sis oppa ka minno kutsikut, keddas minna hendale soeta." Selle päle ütles Johann Pill: "Minna osta 100 kutsikut, 10 rubla tük, sis tulle neid oppama." Meije lätsime sis tõine tõise perran ärra, Johann Pill läts keige eddimelt nink jaggas enne sedda koolmeistre weepuddelist tõistele wet.
Se om wõls, et minna keskmetse pühhal kolimajan kommedit olles tennu ehk jutlust üttelnu.
3. Muud ei tija minna middake, ennegi sedda, et minna mittu kõrda koolmeistre pool kaarte olle mängnu."
Kaibadaw Karl Puk (Lutteri usko) kostis selle kaibuse päle nidate:
"1. Nidasammute kui Andrus Pill, agga minna essi mitte es naara.
2. Enne palwe tundi käwwe minna kül koolmeistre tarren, agga perran palwet lätsi minna ärra koddo nink ei tija middake tunnistada. Tõisel pühhal es olle minna mitte palwe tunnin, nink ei tija ka mis sääl sündinu.
3. Sellest juttust, mis Andrus Pill Hansi pool ollewat kõnnelnu, ei tija minna middake, ei ka sellest, et koolmeistre tütruke man olles kännu ehk kaarte mängnu. "
Kaibadaw Märt Puk (Lutteri usko) andse selle kaibuse päle nidate kostust: "Minna enne Talwiste pühha sel pühhapäiwal kolimajan es olle nink ei tija ka mis sääl sündinu.
2. Perran palwe tundi ja kui koolmeistre lastega weel laulma es olle nakkanu, olli minna kül koolitarren nink lätsi säält Karl Puk ja Peter Pilliga ärra, ent minna sääl üttegi sõnnawaeltust es kuule; tõise jäiwa koolmeistre tarre. Sedda ei olle minna mitte nännu, et Johann Pillil sel päiwal wiina olles olnu.
3. Minna ei olle kuuldnu et Andrus Pill koolmeistret olles laimanu, ei ka sedda, et temma tütrike man olles käunu ehk kaarte mängnu."
Kaibadaw Josep Hommik (Lutteri usko) andse nidate tunnistust:
"1. Minna ei olle mitte palwe tunni ajal naardnu.
2. Minna ei olle eddimetse pühha õddakus mitte kolimajan ja ei wõi (tija) ka üttegi tunnistust anda, nida es olle minna ka keskmitse pühha hommukul mitte palwe majan.
3. Sellest ei tija minna middake tunnistada, et Andrus Pill koolmeistret olles laimanu ehk trotsnu, ei ka et koolmeistre tütruke man olles käunu ehk kaarte mängnu."
Kaibadaw Johann Pill (Lutteri usko) andse nidate kostust:
"2. Kui koolmeister Jaan Rebane minnole ütles, et temma minnolt wõib omma tarre ärra puhhastada (pühki) laska, es ütle minna koolmeistrele üttegi halwa sõnna, ent kui koolmeister minno kutsika koolmeistres nimmitas. Se om ka õige et minna koolmeistre weeklasist wet jõin. Minna lätsi enne tõisi ärra. Wiina es olle minna kellegile jagganu ei ka et minnol essi sel päiwal wiina olles olnu.
3. Sedda minna mitte ei wõi tunnistada, et koolmeistre tütrike man olles käunu, agga se om kül õige, et minna koolmeistrega mittu kõrda temma pool kaarte olle mängnu. "
Soldat Jaan Hansi (Lutteri usko) andse nidate kostust:
"2. Minna olli kül koolmeistre tarren eddimetse pühha õddakul agga minna luggesi ütte ramatut ni et minna middake tähhele es panna. Sedda ka minna es näe, et Johann Pillil napsi olles ütten olnu.
3. Minnewa suwwe näggi minna kül kui Jaan Rebbane, Juk Thal ja Rein Habsalon kaarte mängse. Sedda minna ei wõi tunnistada, et koolmeistre tütrike man olles käunu. Minna olli kül Andrus Pilliga Hansi pool, agga sedda minna es kuule et temma koolmeistret olles laimanu ehk trotsnu."
Tunnistaja Rein Habsalon (Lutteri usko) andse nidate tunnistust:
"1. Enne talwiste pühha üttel pühhapäiwal naardse Andrus Pill, Märt Reilik, Josep Hommik, sedda, et Andrus Pill palwe ajal wiggurid teggi, middas minna ka keeldse kelle päle Andrus Pill minno perran ähwardas.
2. Kui palwe rahwas ärra lätsi, sis lätsi minna ja Jaan Pärsimäggi koolmeistre kambrele kun Johann Pill Jaan Pärsimäggile ütles: "Säratsile kutsikile anna minna piitsaga pihta ja sadan neid kõrwale," kelle päle koolmeister Johann Pillile ütles: "Kas sinna sis kutsikide koolmeistre ollet." Johann Pill ütles sis koolmeistrele: "Sinna ollet sija kutsikude koolmeistres toodu, minna osta täämba õddaku 100 kutsikut, egga kutsik 10 rubla, ja anna neid sinnole oppata."
Kelle päle Jaan Rebane Johann Pilli keeldse nink sis läts Johann Pill wälja, üttelden: "Minna lähha kui mees teed möda, agga tõise kui kunna." Keskmetsel pühhal enne juttust olli minna koolmeistre tarren nink sis kuuldse minna kui Märt Reilik ja Andrus Pill kolitarren kõwwaste kõnnelesi ja sõimu nimme nimmitasi.
3. Andrus Pill kõnneles Hansi tallon nidate, kun minna tööl olli: "Nüüd om kass aija wahhel, nüüd wõib sabbast pitsitada; kui waene rikkitega kohtule lät sis peat temma häste sama." Et koolmeistre tüdrukude man käunu ehk kaarte mängnu, ei wõi (tija) minna tunnistada.
Sel pühhapäiwal kui ne poisi palwe ajal naardse, olli Andrus Pillil üts põrknas käen, kellega temma häbbemata wisil mängse nidasammute teggi ka Soldat Jaan Hansi. perran sai minna se põrkna henda kätte nink teggi sedda katski."
Andrus Pill ja Jaan Hansi kostsewa, et neide käen mitte põrknat ei olle olnu, agga Rein Habsalon ollewat essi sedda teggu tennu.
Tunnistaja Eduard Wunk (Lutteri usko) andse nidate tunnistust: "Andrus Pill ja Jaan Hansi ütli minnol kolitarre man et minna Rein Habsalon wööd katski lõikas.
2. Eddimetse pühha õddakul olli minna ka koolmeistre tarren kun sis Johann Pill ja Jaan Pärsimäggi tõine tõisega wõisklesi nink kui Joh. Pill Jaan Pärsimäggile ütles: "Säratsile pennele kes kõrwalt haukwa om pitsaga lahku," wastutas Jaan Pärsimäggi: "Sis ollet sinna õige penne oppaja," keddas ka koolmeistre ütles, kelle päle Johann Pill koolmeistrele ütles: "Täämba õddaku osta minna 100 penni (kutsikut), 10 rubl. tük, ja anna sinnole oppata." Perran näggi minna kui Johann Pill ärrä läts, et temma russikut lauda wasta löös.
3. Andrus Pill kõnneles Hansi pool: "Nüüd om kass aija wahhel, sabbast häste pitsitada et häste röök."
Tunnistaja Ado Trull (Lutteri usko) andse nidate tunnistust:
"2. Eddimetse pühha õddakul olli minna ja paljo tõisi koolmeistre tarren kun sedda samma ette tulli mis koolmeistre ülles kaiwanu, agga sedda et Johann Pill russikuga ähwardanu ehk lauda wasta löös es näe minna, nida ka es kuule minna sedda et Johann Pill ärra minneki man tõisi olles ülles kihhentanu.
Muud ei tija minna middake ennamb tunnistada."
Tunnistaja Jaan Pärsimäggi (Lutteri usko) andse nidate tunnistust:
"2. Eddimetse pühha õddaku olli minna tõistega koolmeistre tarren, sis ütles koolmeistre et temma mustas tettu tarre wõis puhtas tetta laska, kelle päle minna ütlesi: "Kui luwwa kätte annab peate iks puhtas teggema." Mis päle Johann Pill minnole ütles: "Säratsid kutsikid, kui sinna, tunne minna kül, ja oppa ruttu pitsaga ärra." Sis ütles koolmeistre et kas Joh. Pill sis kutsikide koolmeistre om, kelle päle Joh. Pill ütles: "Kui sinna selle pääl siin ollet kutsikid oppaman sis minna osta sinnole täämba 100 tükki, 10 rubla tük, oppamisses." Sis kargas Joh. Pill toli päält ülles ja löös henda rinda wasta nink ütles: "Minna lähha kui mees wälla, tulge minnoga ütten."
Muud ei tija minna middake ennamb tunnistada."
Kui nüüd keik tunnistaja täämbas mitte ette tulnu ei olle, omma nemma selles 19. Januaris s.a. ette tallitada:
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Andrus Püwwi XXX
Kae No 7.
