Wastse Anzmõisa mõisa kõrtsimees Carl Jacobson kaibas, et kui temma 8. Januaril Wõrro ladele sõitnu, henda assemelle August Danieli kõrtsi kaupa müüma lepnu. Päle keskööd kell kats wastu 9. Januari, kui kõrts ladelt tullikist täus olnu, tulnu ka Sangaste mees Josep Kitz kõrtsi, temmaga ütten temma sullane Anz Wernik nink meije mehhi Kersna Karl Ruder, Karl Kribi, noor Josep Ruder nink Peter Wellik. Josep Kits olle katskõrd, kumbgi kõrd 20 koppiga eest jooki wõtnu, sellepäle 20 kop. ärramasnu, ent tõise 20 kop. tahtnu temma ärra sallata.
Sellepäle tähtnu temma ütte korteri piritust, ent Daniel ei andnu nink nõudnu enne ne 20 kop. wõlga kätte sada. Kui Josep Kitz mitte masnu nink ärra tahtnu minnä, lännu Daniel perrä, nink wõtnu Josep Kitze kübbara pääst ärra, seperrast, et temma omma nimme mitte ülles andnu.
Sepäle tahtnu Josep Kitz ommi seltsimeest käest 20 kop. lainata nink sedda wõlga ärramassa, neil ei olnu nink sanu wiimate ne 20 kop. Ado Newe käest, sedda wõlga ei tahtnu temma nüüd enne ärra massa kui kübbara kätte olles sanu, ent kõrtsimees jälle kübbarat enne rahha ärra masmist mitte andnu, sis wissanu Josep Kitz se rahha 20 kop. kõrtsi lawwa päle, kübbar sis kätte sanu, lönu Josep Kits lawwa päält kik klaasi purrus, nimmelt 7 pits klasi nink ütte sure katte topilise wiina puddeli, mis täus olnu, wõtnu kõrtsi lawwa päält sure tulle lambi, tahtnu ärra kistutada, ent klaasi olnu kuum, ei sanu päält ärra wõtta, sis wõtnu Karl Kribi temma käest se Lambi ärra, pandnu akna päle nink saisnu essi een, mis läbbi tulle walgus müümise kambren nihäste kui kaddonu olnu, sis püüdnu Josep Kitz kauba rijolt täidet wiina puddelidega Mahha tõmmata, ent kõrtsimees ei lasknu nink tedda henda mant iks ärra tõuganu. Sellepäle tahtnu Josep Kitz jälle ärra minnä, ent kõrtsimees ei lasknu kõrtsi ust kinni hoiten, sis kistutanu tulle kõrtsimehhe käest ärra, nink käkkistanu ja lönu Danieli.
Karl Annok, Karl Ellen, nink Jaan Hainas olles sedda nännu.
Assemlinne kõrtsmik August Daniel sellet sedda tijo asja nisammoti.
Karl Annok tunnist, et temma nännu, kui Josep Kitse, kui tundmatta innemise pääst küppar wõet, Josep Kits ne wõlgu olnu 20 Kop. ütte tõise käest sanu nink ärra masnu, omma kübbar kätte sanu, se päle wiina puddeli kiki klaasiga lawwa päält purrus mahha pesnu, kauba rijolit täidet puddelidega maha tõmmata tahtnu, ent ikkes mant ärra tõugat, kui ärra tahtnu minnä, ent mitte lastu, kunni temma omma nimme piddanu teeda andma, se man kistutanuwa nemma Danieli tulle käest ärra, saddanu temma, Danieli, päle kik mütsakude, kõrts jänu pimmes nink temma, Karl Annok, hoitnu ust nink ei lasknu keddagi enne wälja kui Daniel wastsest tulle tonu.
Karl Ellen tunnist, kui temma kõrtsi lännu, nännu, kui katski pestu klasi tükke kokkopühhitu, nink kuulnu, kui üttelt, et Sangaste mees Josep Kits kik klasi purrus lönu. nännu ka, kui Daniel nink Karl Annok kõrtsi usse man saisnu, Josep Kitse omma sullasega mitte wälja lasknu, perrametse tagga kõrtsi taggasi lännu, Daniel neile perrä tulnu nink üttelnu: " kül minna to ärra tunne, kes minno leije nink näidanu Josep Kitse päle.
Jaan Hainas tunnist, et temma kuulnu, kui Daniel mitto kõrd Josep Kitse käest 20 Kop. wõlga nõudnu, nink nännu, kui Josep Kitz klaasi katski lönu, ja kuulnu, kui üts omma rahwa seäst üttelnu: To om kõrtsi sädus, kui kõrtsimees üttele käe külge pand, sis kik klaasi purrus pessa". Selle päle keeldnu Jaan Hainas neid, üttelden, lä ei to kõrda, to lät hukku, neide sõnnu päle tulnu Josep Ruder temma mannu nink tahtnu teddä pessä, ent Ado Newe keeldnu ärra nink ei lasknu. Kui klaasi katski lödu, tunnistap Jaan Hainas, kaddonu ka tulle walgus tagga kõrtsist ärra.
Ado Newe tunnist, kui kõrtsimees Josep Kitse käest 20 Kop. wõlga nõudnu, Josep Kitsel ei olnud, nink küssino perramane temma. Ado Newe käest 20 Kop., mis temma ka Josep Kitsele andnu, temma, Ado Newe nännu, kui Josep Kits tullelambi lawwa päält wõtnu, kistunu tulli ärra, kõrts olnu se silmapilk rahwast täus nink pimme, nink üttelno Josep Kits, enne minna ai anna lampi kätte kui minna omma kübbara sa; sepäle tüknu Josep Kits iks lawwa mannu omma kübbarat nõudnu, nink Daniel kolm kõrd tedda, Josep Kitse taggasi tõuganu. Perrast wissanu Josep Kits to rahha lawwa päle, sanu omma kübbara kätte nink Karl Kribi wõtnu se tulle lambi temma käest ärra. Ka nännu Ado Newe, kui Josep Kits ne klaasi lawwa päält katski lönu nink kuulnu, kui Karl Kribi nink Josep Ruder sedda kahjo Danieli käest perrä nõudnu nink ärramassa tahtnu, ent Daniel üttelnu, et temma ei tijä, kül kõrtsimees sedda saap essi üllesandma kui koddu tulle. Ka tunnist Ado Newe, et Josep Ruder kihhotanu Josep Kitse klaasi katski löma, selle ülle tahtnu Josep Ruder pistä Jaan Hainasega kokko minnä, ent Kersna Karl Ruder astnu neile wahhele.
Josep Kits tunnist, et temma es tijas muud, et temmal 20 koppiga wõlla perrast küppar ärra wõetu, küssinu temma Peter Wellik käest 20 Kop., ei sanu, perrast sanu ne 20 Kop. Ado Newe käest, masnu Danielile ärra, sanu omma kübbar kätte nink lönu ne klaasi lawwa päält to perrast purrus, et Daniel tedda henda mant ärra touganu, ka wõtnu temma kübbar assemele tulle lambi lawwa päält.
Josep Ruder tunnist, et temma middagi ei nännu, ennegi kuulnu, kui Josep Kits ja Karl Kribi tahtnu neid katski pestu klaasi ärra massa.
Peter Wellik tunnist, et Ado Newe ne 20 Kop. Josep Kitse küssimise päle lawwa päle pandnu, Josep Kits ärra wõtnu nink perrast kõrtsi lawwa päle wissanu. Klaasi katski lömist temma ei nännu. Nännu ennegi klasi tükke. Josep Kits tahtnuu sedda kahjo ärra massa, ent Daniel ei wõtnu, et teednu hinda panda. Anz Wernik tulnu perrän klaasi katski löömist sisse, ent ei lastu wälja, nink kuulnu Peter Wellik, kui Daniel - Anz Werniko päle näidaten üttelnu: " Kae siin om se mees, kes minno kolm kõrd leije.
Kersna Karl Ruder tunnist, et kui Josep Kits 20 Kop. Ado Newe käest sanu olli, üttelnu Danieli wasta, enne minna rahha ei massa kui mul küppar käen om, ent Daniel omma temma mant ärra touganu, nink nõudnu Josep Kits kolm kõrd omma kübbarat, enne rahha masmist, kätte, ent Daniel tedda iks katte käega taggasi touganu, perrast Josep Kits rahha lawwa päle pandnu nink müümise lawwa päält tulle lambi ärra wõtnu, üttelden kõrtsimüüjat Danieli wasta, risute teije minno, riisu minna teid. Se päle jänu müümise kambre hämmaras.
Ka tunnistas Karl Ruder, et temma nännu nink kuulnu, kui Daniel näidanu Anz Werniki päle nink üttelnu: " et siin om se mees, kes minnole käe kala aije."
Josep Kits lönu söame täwwega ne klasi katski nink nõudnu sedda kahjo perra, mis ärra massa tahtnu, ent kõrtimüja Daniel ei teednu sedda tassumist ülles anda.
Karl Kribi tunnist, kui Ado Newe - Josep Kitse küssimise päle 20 Kop. lawwa päle pandnu, Josep Kits se rahha ärra wõtnu nink enne ärramasmist kõrtsimehhele, mitto kõrd iks omma kübbarat kätte nõudnu, ent kõrtsimüja Daniel mitte enne rahhamasmist andnu nink tedda egga kõrd henda mant ärra touganu, nikawwa kui Josep Kits perrakõrd ne 20 Kop. kõrtsilawwa päle wissanu, nink lawwa päält tullelambi wõtnu. Josep Kitse käen lamp ärra kistunu nink to aig kõrts pimme olnu. Karl Kribi wõtnu se ärra kistunu lambi Josep Kitse käest nink pandnu lawwa päle taggasi, nikawwa olli ka künal pallama pantu. Klaasi katski löömist ei olle Karl Kribi nännu, kulnu ennegi ütte tirraust, sis olnu klaasi katski. Sepäle üttelnu Josep Kits temmale, küssi perrä, mis no klasi maswa, no waja ärra massa, ent kõrtsimüja Daniel ei teednu hinda nõuda nink tahtnu ennegi neide nimmi teeda. Josep Kits ei olle omma nimme essi üllesandnu, sis andnu Karl Kribi neide nimme ülles, kellega Danielil teggemist olnu, et üts perremees Josep Kits Sangastest nink tõine temma sullane Anz Wernik om.
Anz Wernik salgas ärra Danieli lömist nink tunnistas ka, et temma Danieli käest künalt mitte ärra kistutanu, ennegi tulnu kõrtsimüja Daniel tagga kõrtsi nink näudanu temma päle, üttelden, se om se mees kes minno leije, temma tahtnu kõrtsist wälja minnä, ei sanu, mis man temma kässi usse wahhel weel pitsitedus sanu.
Enne kui selle ülle weel middagi mõistetus sai, tulli kõrtsimees Carl Jacobson nink assemik August Daniel, nink anniwa ülles, et Josep Kits neidega ärra lepnu om, eddimatsele üllekige 10 Rublit nink perrametsele 3 Rublit masnu, minkugo nemma rahhule olliwa.
Kohtunik Mango Maritz XXX
abbi Johan Perw XXX
Jaan Kreewald XXX
Wastse Anzmõisa mõisa kõrtsimees Carl Jacobson kaibas, et kui temma 8. Januaril Wõrro ladele sõitnu, henda assemelle August Danieli kõrtsi kaupa müüma lepnu. Päle keskööd kell kats wastu 9. Januari, kui kõrts ladelt tullikist täus olnu, tulnu ka Sangaste mees Josep Kitz kõrtsi, temmaga ütten temma sullane Anz Wernik nink meije mehhi Kersna Karl Ruder, Karl Kribi, noor Josep Ruder nink Peter Wellik. Josep Kits olle katskõrd, kumbgi kõrd 20 koppiga eest jooki wõtnu, sellepäle 20 kop. ärramasnu, ent tõise 20 kop. tahtnu temma ärra sallata.
Sellepäle tähtnu temma ütte korteri piritust, ent Daniel ei andnu nink nõudnu enne ne 20 kop. wõlga kätte sada. Kui Josep Kitz mitte masnu nink ärra tahtnu minnä, lännu Daniel perrä, nink wõtnu Josep Kitze kübbara pääst ärra, seperrast, et temma omma nimme mitte ülles andnu.
Sepäle tahtnu Josep Kitz ommi seltsimeest käest 20 kop. lainata nink sedda wõlga ärramassa, neil ei olnu nink sanu wiimate ne 20 kop. Ado Newe käest, sedda wõlga ei tahtnu temma nüüd enne ärra massa kui kübbara kätte olles sanu, ent kõrtsimees jälle kübbarat enne rahha ärra masmist mitte andnu, sis wissanu Josep Kitz se rahha 20 kop. kõrtsi lawwa päle, kübbar sis kätte sanu, lönu Josep Kits lawwa päält kik klaasi purrus, nimmelt 7 pits klasi nink ütte sure katte topilise wiina puddeli, mis täus olnu, wõtnu kõrtsi lawwa päält sure tulle lambi, tahtnu ärra kistutada, ent klaasi olnu kuum, ei sanu päält ärra wõtta, sis wõtnu Karl Kribi temma käest se Lambi ärra, pandnu akna päle nink saisnu essi een, mis läbbi tulle walgus müümise kambren nihäste kui kaddonu olnu, sis püüdnu Josep Kitz kauba rijolt täidet wiina puddelidega Mahha tõmmata, ent kõrtsimees ei lasknu nink tedda henda mant iks ärra tõuganu. Sellepäle tahtnu Josep Kitz jälle ärra minnä, ent kõrtsimees ei lasknu kõrtsi ust kinni hoiten, sis kistutanu tulle kõrtsimehhe käest ärra, nink käkkistanu ja lönu Danieli.
Karl Annok, Karl Ellen, nink Jaan Hainas olles sedda nännu.
Assemlinne kõrtsmik August Daniel sellet sedda tijo asja nisammoti.
Karl Annok tunnist, et temma nännu, kui Josep Kitse, kui tundmatta innemise pääst küppar wõet, Josep Kits ne wõlgu olnu 20 Kop. ütte tõise käest sanu nink ärra masnu, omma kübbar kätte sanu, se päle wiina puddeli kiki klaasiga lawwa päält purrus mahha pesnu, kauba rijolit täidet puddelidega maha tõmmata tahtnu, ent ikkes mant ärra tõugat, kui ärra tahtnu minnä, ent mitte lastu, kunni temma omma nimme piddanu teeda andma, se man kistutanuwa nemma Danieli tulle käest ärra, saddanu temma, Danieli, päle kik mütsakude, kõrts jänu pimmes nink temma, Karl Annok, hoitnu ust nink ei lasknu keddagi enne wälja kui Daniel wastsest tulle tonu.
Karl Ellen tunnist, kui temma kõrtsi lännu, nännu, kui katski pestu klasi tükke kokkopühhitu, nink kuulnu, kui üttelt, et Sangaste mees Josep Kits kik klasi purrus lönu. nännu ka, kui Daniel nink Karl Annok kõrtsi usse man saisnu, Josep Kitse omma sullasega mitte wälja lasknu, perrametse tagga kõrtsi taggasi lännu, Daniel neile perrä tulnu nink üttelnu: " kül minna to ärra tunne, kes minno leije nink näidanu Josep Kitse päle.
Jaan Hainas tunnist, et temma kuulnu, kui Daniel mitto kõrd Josep Kitse käest 20 Kop. wõlga nõudnu, nink nännu, kui Josep Kitz klaasi katski lönu, ja kuulnu, kui üts omma rahwa seäst üttelnu: To om kõrtsi sädus, kui kõrtsimees üttele käe külge pand, sis kik klaasi purrus pessa". Selle päle keeldnu Jaan Hainas neid, üttelden, lä ei to kõrda, to lät hukku, neide sõnnu päle tulnu Josep Ruder temma mannu nink tahtnu teddä pessä, ent Ado Newe keeldnu ärra nink ei lasknu. Kui klaasi katski lödu, tunnistap Jaan Hainas, kaddonu ka tulle walgus tagga kõrtsist ärra.
Ado Newe tunnist, kui kõrtsimees Josep Kitse käest 20 Kop. wõlga nõudnu, Josep Kitsel ei olnud, nink küssino perramane temma. Ado Newe käest 20 Kop., mis temma ka Josep Kitsele andnu, temma, Ado Newe nännu, kui Josep Kits tullelambi lawwa päält wõtnu, kistunu tulli ärra, kõrts olnu se silmapilk rahwast täus nink pimme, nink üttelno Josep Kits, enne minna ai anna lampi kätte kui minna omma kübbara sa; sepäle tüknu Josep Kits iks lawwa mannu omma kübbarat nõudnu, nink Daniel kolm kõrd tedda, Josep Kitse taggasi tõuganu. Perrast wissanu Josep Kits to rahha lawwa päle, sanu omma kübbara kätte nink Karl Kribi wõtnu se tulle lambi temma käest ärra. Ka nännu Ado Newe, kui Josep Kits ne klaasi lawwa päält katski lönu nink kuulnu, kui Karl Kribi nink Josep Ruder sedda kahjo Danieli käest perrä nõudnu nink ärramassa tahtnu, ent Daniel üttelnu, et temma ei tijä, kül kõrtsimees sedda saap essi üllesandma kui koddu tulle. Ka tunnist Ado Newe, et Josep Ruder kihhotanu Josep Kitse klaasi katski löma, selle ülle tahtnu Josep Ruder pistä Jaan Hainasega kokko minnä, ent Kersna Karl Ruder astnu neile wahhele.
Josep Kits tunnist, et temma es tijas muud, et temmal 20 koppiga wõlla perrast küppar ärra wõetu, küssinu temma Peter Wellik käest 20 Kop., ei sanu, perrast sanu ne 20 Kop. Ado Newe käest, masnu Danielile ärra, sanu omma kübbar kätte nink lönu ne klaasi lawwa päält to perrast purrus, et Daniel tedda henda mant ärra touganu, ka wõtnu temma kübbar assemele tulle lambi lawwa päält.
Josep Ruder tunnist, et temma middagi ei nännu, ennegi kuulnu, kui Josep Kits ja Karl Kribi tahtnu neid katski pestu klaasi ärra massa.
Peter Wellik tunnist, et Ado Newe ne 20 Kop. Josep Kitse küssimise päle lawwa päle pandnu, Josep Kits ärra wõtnu nink perrast kõrtsi lawwa päle wissanu. Klaasi katski lömist temma ei nännu. Nännu ennegi klasi tükke. Josep Kits tahtnuu sedda kahjo ärra massa, ent Daniel ei wõtnu, et teednu hinda panda. Anz Wernik tulnu perrän klaasi katski löömist sisse, ent ei lastu wälja, nink kuulnu Peter Wellik, kui Daniel - Anz Werniko päle näidaten üttelnu: " Kae siin om se mees, kes minno kolm kõrd leije.
Kersna Karl Ruder tunnist, et kui Josep Kits 20 Kop. Ado Newe käest sanu olli, üttelnu Danieli wasta, enne minna rahha ei massa kui mul küppar käen om, ent Daniel omma temma mant ärra touganu, nink nõudnu Josep Kits kolm kõrd omma kübbarat, enne rahha masmist, kätte, ent Daniel tedda iks katte käega taggasi touganu, perrast Josep Kits rahha lawwa päle pandnu nink müümise lawwa päält tulle lambi ärra wõtnu, üttelden kõrtsimüüjat Danieli wasta, risute teije minno, riisu minna teid. Se päle jänu müümise kambre hämmaras.
Ka tunnistas Karl Ruder, et temma nännu nink kuulnu, kui Daniel näidanu Anz Werniki päle nink üttelnu: " et siin om se mees, kes minnole käe kala aije."
Josep Kits lönu söame täwwega ne klasi katski nink nõudnu sedda kahjo perra, mis ärra massa tahtnu, ent kõrtimüja Daniel ei teednu sedda tassumist ülles anda.
Karl Kribi tunnist, kui Ado Newe - Josep Kitse küssimise päle 20 Kop. lawwa päle pandnu, Josep Kits se rahha ärra wõtnu nink enne ärramasmist kõrtsimehhele, mitto kõrd iks omma kübbarat kätte nõudnu, ent kõrtsimüja Daniel mitte enne rahhamasmist andnu nink tedda egga kõrd henda mant ärra touganu, nikawwa kui Josep Kits perrakõrd ne 20 Kop. kõrtsilawwa päle wissanu, nink lawwa päält tullelambi wõtnu. Josep Kitse käen lamp ärra kistunu nink to aig kõrts pimme olnu. Karl Kribi wõtnu se ärra kistunu lambi Josep Kitse käest nink pandnu lawwa päle taggasi, nikawwa olli ka künal pallama pantu. Klaasi katski löömist ei olle Karl Kribi nännu, kulnu ennegi ütte tirraust, sis olnu klaasi katski. Sepäle üttelnu Josep Kits temmale, küssi perrä, mis no klasi maswa, no waja ärra massa, ent kõrtsimüja Daniel ei teednu hinda nõuda nink tahtnu ennegi neide nimmi teeda. Josep Kits ei olle omma nimme essi üllesandnu, sis andnu Karl Kribi neide nimme ülles, kellega Danielil teggemist olnu, et üts perremees Josep Kits Sangastest nink tõine temma sullane Anz Wernik om.
Anz Wernik salgas ärra Danieli lömist nink tunnistas ka, et temma Danieli käest künalt mitte ärra kistutanu, ennegi tulnu kõrtsimüja Daniel tagga kõrtsi nink näudanu temma päle, üttelden, se om se mees kes minno leije, temma tahtnu kõrtsist wälja minnä, ei sanu, mis man temma kässi usse wahhel weel pitsitedus sanu.
Enne kui selle ülle weel middagi mõistetus sai, tulli kõrtsimees Carl Jacobson nink assemik August Daniel, nink anniwa ülles, et Josep Kits neidega ärra lepnu om, eddimatsele üllekige 10 Rublit nink perrametsele 3 Rublit masnu, minkugo nemma rahhule olliwa.
Kohtunik Mango Maritz XXX
abbi Johan Perw XXX
Jaan Kreewald XXX
