Karl Lukini rahha warguse perras, tunnistas Jaan Newe, et temma sest midagi ei tija, kui Jaan Arder tedda ülleskisknu, olnu Lukin ja Arder jo üllewan. Et Jaan Arder, omma tunnistuse päle, et temma tolsammal hommogul, kui Karl Lukini rahha ärra warrastet Alla kõrtsin, jonu Jaan Arder sääl 5 Kop. eest wiina nink andnu omma Kinda panti. Kui Jaan Arderil omma rahha olles olnu, sis ta olles ütte Rublise jo Alla kõrtsin wõinu ärrawahhetada ja mitte Kindit panti anda; nink Joh. Wenderi tunnistusse päle, kui temma Kinda tol hommugul panti andnu, üttelnu temma: " Mul nüüd rahha ei olle," Sellest kiigest om nätta, et se rahha peetmisse man, mis Jaan Arderi man nättu, se rahha mitte temma omma es wõi olla, nink ei olle ka keäki nännu, et temmal kolm ütte Rublilits pappre rahha tol päiwal olnu; ent wallest rahha nännu kül Jacob Mats nink Samul Hainas.

Sai mõistetus, et Jaan Arder peab ne 1 Rbl. 40 Kop. Karl Lukinile üllewätse tunnistusse päle ärra masma  se kohtu kätte 14 päiwa sissen.

Seremba kohtu säädus sai neile kulutudus.