Jürri Künnapä Wastsest Anzmõisast kaibas Peter Pulli ülle Wannast Anzmõisast, et kui nemma kohtu poolt kästu omma nõudmisse asja perrast henda wahhel ärra leppima, selle assemel nakkanu Peter Pull wäega tüllitsema temmaga nink lönuu tedda selle man kolmkõrd rusikuga rindu, sedda olles Karl Ellen nink Jaan Newe ka nännu. Ka olles Märt Kangro se tülli man tedda, Peter Pulli, rahhule nink waiki jääma keelnu.

Sedda tunnist Märt Kangro tõttes.

Karl Ellen tunnist nännu ollew, et Peter Pull tüllitsemise man Jürri Künnapäle kats ehk kolm kõrd rindu lönu.

Ka Jaan Newe tunnist nisammoti, et Peter Pull kats kõrd Jürri Künnapäle lönu.

Sai mõistetus: Peter Pull peab wallu rahha Jürri Künnapäle 1 Rbl. nink trahwi, lömise perrast, ni kui tunnistaja tunniswa, 1 Rbl. waeste ladikude masma.

Jürri Künnapä es olle sellega rahhule, nink sai temmale suremba Kohtun käimise säädus kulutedus.