Anz Weiermann and tunnistust Karl Tumeri nõudmise pääle, welle, Märt Tumeri perrast, et temma, Anz Weiermann, wahhest säitse päiwa enne koolmist, wiimatsega Latsarettin kõnelnu, nink küsinu Weiermann temma, Märt Tumeri käest: " Sinna ollet ka wanna pois, sul iks om rahha korajtu?" Märt Tumer üttelnu: " Om kül, ei olle ennegi henda käen, nimmelt om 

Sahkre Möldre käen palkrahha - 19 Rbl.

Peter Tee käen 1 Rbl. 70 Kop.

Kölbe Peter Tumeri käen 6 Rbl.

Karl Rosenberg tunnistas, et Märt Tumer minnewa kewwajal temmale kõnnelnu, et temal 19 Rbl. Sahkre Möldre käest saija om, mis Protokolli üllespantu olles, nink pea sis üts egga kõrd man ollema, kui Sahkre Möldre sedda wõlgo temmale, kes taht, massap.

Sahkre Möldre ütles, et temmal Märt Tumerile midagi wõlgu ei olle, olles temmale kik ärra masnu.