Mõtsa waht Joseph Mauring kaebas et Willem Jõggi warrastanu Pühajerwe mõisa mõtsas 1 süld arsina puid 

kuuse puu walmist ragutu, hinda perra 6 Rbl.

1 kuuse puu 10 toli paks 60 jalga pikk 3 Rbl. 60 Kp.

1 kuuse puuu 12 "     "      60   "       "     5 "      28  "

Summa 14 Rbl. 88 kop.

Willem Jõggi wastap et nee walmist ragutu puu kül tema poisi wälja weddanu, aga nee kaks kuused mis mõtsawaht nõwwap ollen mina ütten haguga ostnu. Nee kuuse puu tükk om wana mäddanu puutükk.

Mõtsawaht ütlep et kuuse puuu om känust ragutu puu olnu.

Tunnistaja Hans Tamm ütlep et tema kül nännu et ligi 20 halgu olnu kuiwo kuuse puu ruttuna ehk mäddanu ne puu kül olnu, kas na hagu seen olnu ehk warrastedu ei tia tema.

Herman Peterson ütlep nenda samoti kui Hans Tamm om wälja üttelnu.

Otsus: Sele et see assi rohkemb wäärt kui 5 Rubl. saapprotokoll wälja antu et Keiserliko Kihelkonna kohtule wõib kaebata.