Johann Ruwwen and sel 29 Junil ülles, mis temma welle Karl Ruweni eest massnu: 

Karli wõlg welle Petrile (õige) 10 Rbl.

Tõise hobbese osta (õige)        8   "

puhhast rahha                            3   "

3 Kübbära eest                           3   "   30 Kop.

2 paari saapaste ees                 3   "    40  "

Raswa ostnu                             12   " 

Soola ostnu                              12   "    75   "

2 wakka rükki                             7   "   40  "

4     d.   kewi Restust              12   "   60  "

2     d.   kaaru                             2  "   60  " 

9 mõõtu kaaru a' 60 Kop.        5  "   40 "

3 wakka rükki a' 3 Rbl.             9   "

Mannumass ütte hobbese wahhetamise man 7 Rbl. 50 Kop.

1 zigga ostnu                                                         3   "

1 wankri                                                                 4  "   50    "

lentsi ja rahke, üttekokko                                   1   "

zooge ostnu                                                          2  "   80  "

Summa 108 Rbl. 25 Kop.

Johann Ruwen tunnist, et ne wäljaandmise 5 aasta sisen tettus saanu, kik se aja sissen, kui temma welle Karli kõrwal ellanu, kellel, Karl Ruwenil, mõisa maa sullase kottus, kumb ülle kiige 7 wakkala nurme maad suur, olnu, mis eest welli Karli kige se aja sissen mõisat orjanu, nink temma, Joh. Ruwen, jälle se wäikese kottuse koddu asja tallitannu.

 Karl Ruwwen ütles, et ne wellest Johanist ülles antu rahha wälja andmise, mitte Johann ommast errä rahhast wälja andnu, weel wähhemb temma kätte massnu, enge selle, et temma, Karl, essi mõisat teninu, nink koddo maja piddamise, korteri nink üllespiddamise eest, koggoni welle, Johanni hoolde andnu, nink ne wäljaandmise kik se kottuse sissetullekist tettus saanu ommawa; nimmelt olles Johann müüdo Linno eest saanu ütskõrd 38 Rbl. nink tõine kõrd jälle 27 Rbl., mis rahhast temma, Karl, ennegi 3 Rbl. saanu, nink 61 Rbl. Johanni kätte jäänu. Sedda tunnist ka Johann tõttes.

Sai mõistetus: Selle, et Johann palga lepmist tõttes ei jõwwa tetta, Karl se sullase maa kottusse eest essi kik päiwa wälja teninu nink ennegi se wäikese koddo tallituse eest üttele täwwele innemissele, ni kui Johann, prii korter nink söök antus saanu om, minkast nätta, et selle eest muud palka es wõi ollaki nink Johanni palga nõudmine üts tühhi om, nisamma ka üllesantu rahha nõudminne, mis rahha mitte Johann ommast errärahhast wälja pandnu, enge welle Karl Ruweni Kottusse sissetullekist, selleperräst ennegi Karl Ruweni warrandus ülleswõtta, ni et nätta saap, kas se omm suurembas saanu, wai wähembas jäänu se asja sissen, ni kawwa se kottus temma käen om nink welli Johann temma kõrwal elli. 

Karl Ruwen and ülles, et temmale, kui sõssare Leeno henda mannu wõtnu, olnu: 

1 hobbene ja nüüd 1 hobbene

1 lehm                d.   1 leham ja õhwakenne

2 zikka               d.   1  zigga

2 Lammast        d.   2 lammast.

Päkohtomees Mango Maritz XXX

        abbi         Jaan Rosenthal XXX

          d.           Jaan Kreewald XXX

          d.           Johan Perw XXX