Maamõõtja, Jacobsenni Herra kubbijas, Peter Reissmann kaibas sisse, et temma sullase mitte temma oppusest nink kässust lukku es pesa, eggaüts omma tahtmist mööda tahhas ellada, ni kui nimmelt se kõrd sullane Hindrik Habsalon temmale wasta oandnu, ütte wassika aija mulgu ülles teggemise perrast, kumba Hindrik Habsalon ilma lubbata aija sisse tennu, et kül wärraja sest aijast käwwa olliwa, se läbbi wassika aijast wälja tulnu, terwe päiw omma päädnis so mööda käinu, Peter Reissmann wassikit koddo ajanu, ei olle eddimanne kõrd tähhele pandnu, ent neljapäiw, päiw perrast sedda, nännu temma jälle wassikit omma pääd nurmi sissen ümbre käiwat, neid tõine kõrd koddo aijen weel sedda aija sissen mulku tähhele pandnu, keddas Hindrik Habsalon hendale hõlpsamba sitta weddamise tarbis tennu, nink käsknu Hindrik Habsalonile, sedda aija mulku seddamaid ülles tetta; nakkanu Hindrik Habsalon hoplema iks ütteldes: "Mis to om seddamaid? ma puhka enne, sis minna weel tee", nink nakkanu kõwwaste lärmitsema, nink ei olle sedda aida mitte kässu perrä kotsilt,enge söögi wahhe ildamb ülestennu.

Jaan Kallion olles sedda ka kuulnu.