Sep, Peter Newe kaibas, et rentnik Johann Amos temmale metsmaad 2/3 wakkala sittamaas om lubbanu seppa töö eest, nink temma 15 Koormat sitta se pääle weddanu, süggisel 1873 röa tennu, ent nüüd kewwajal 1873 se maja Karl Rosenthal ärra ostnu nink rükka ostet maa päält kätte es annas.

Johann Amos tunnist tõttes; et teemma seppa töö eest Peter Newele se 2/3 wakkala maad lubbanu om. 

Kui nüüd Johann Amos wasta säädust maad wälja pruuki andnu om, sai mõistetus, et Johann Amos peap Peter Newele massma: 

2/3 wakkala seeme, 1 wakk rükki 3 Rbl.

15 koormat sitta a' 15 Kop.            2   "   25 Kop.

3 kõrd maaarriminne                     1    "   50   "

Summa 6 R. 75 Kop. 

ent seppa palk om kunni Jürripäiwani 1873 ärra mastu nink ei olle Peter Newel se perrast minkisuggust nõudmist ennamb.

Suremba Kohtun käimise säädus sai neile kulutetus.

Sel 15. Webruaril 1874 massis Johann Amos 6 Rublit se kohtu een Peter Newe kätte ärra nink lubbas ne 75 Kop. mahha jääta, mis temma ennamb ei nõwwa.