Jaan Tiisler kaibas se kohtu een, et temmal Perremehhe, Andrejani Johann Amosega, leppit olnu ütte wakkala rükka saija, ent perrast ennegi poole wakkala maad erräle näidanu, kos pääle temma 14 Koormat sitta pääleweddanu, ent 11 koormat sitta weddan perremees omma sittaga üttenkoon wälja nink lubbanu tõise poole wakkala rükka ommast rüjast anda, minkast Jaan seemne temmale taggasi masnu olles, ent nüüd es tahhas sedda poolt wakka rükki kätte anda.

Jaan Tiisleril olnu 25 koormat sitta, mis Sunzi Anz Rosenbergi kätte jäänu nink selle wasta wõtnu perremees ellaja toitu Anz Rosenbergi käest wasta, minkast täl puudus olnu, nink lubbanu ne 25 koormat sitta sullasele, Jaanile, ommast tallist anda; seddamoodu saanu se sitt perremehhe sittaga üttekokko.

Kohtumees Johann Perw andis ülles, et nemma henda wahhel nimoodu ärralepnu, et Johann Amos ommast röa nurmest, kumb Tallo sittaga wäitedus sanu, 1/3 wakkala sullasele Jaan Tiislerile weel mannu annap, kumba Johann Perw ka kotsilt kätte mõtnu, minkast perremehhe seem 1/3 wak rükki Jaan Tiisleri peap taggasi massma. 

Sellega sai Jaan Tiisleri nõudmine tassa, nink olliwa mõllemba rahhule.