Wallawannemb Karl Rosenthal kaibas kohtu eem et Nekrut Kasper Kribi Tartu wiimise man mitmat moodu koerastikko tennu ja Wallaaneembide käsku mitte kuulnu, nimmelt wiina joomise perrast, kui Nekrudi Kõrtsi mannu saanu, olnu Kasper Kribi terwe nink joonu, ent kõrtsi mant ärra sõiten henda Koolu joobnus tennu, nink massnu Wallawannemb remma rehnungi nimoodu kats kõrd, ent wiimatse kõrtsi man Tartu liggi, tennu temma henda nii koolus, et ei ligutannuki, ent kui Wallawannemb ütte Nekrute seäst kiki kuulden mannu kutsnu, temmale suus sisse kussema, sis karranu Kasper Kribi maalt ülles nink nakkanu koddu poole ni kõwwast joskma, et piddi hobbestega järge ajetus saama; järge saijen Kasper Kribil kiwwi kummangi peun olnu nink ähwärdanu egga ütte purrus lüwwa, kes temma liggidale julgus tulla. Selle pääle sai Kasper Kribi Wöörmöndre Johann Terrase üllewalwmise alla, kats meest wahhis antus, et temma suggugi wiina mannu es pea saama, mis ka täitetus sai. Segiperrast 3 tundi perrän wahhi alla säädmist nink paggemist, kui aig kätte tulli, Kommisioni sisse minnä, tennu Kasper Kribi henda jälle ni jobnus, et paigalt muidu es saa, kui piddi temma kannetus saama; Seni kui jälle Kommisioni Keldre wiimese man, kos temmale puhhas hamme tahheti sälga panda, sai Kasper Kribi terwes, wist arwas temma, et tedda sinna wangi pandas. Tee päk püüdnu Kasper Kribi wankri pääl iks omma kät wankri kõddrte wahhele laske, mis ärra piddi kaisedus saama, nink tsussanu pallawa ziggari Wöörmöndre Johann Terraselle niwiisi palge külge, et will üllestulli.  

Sai mõistetus: ni kui kiigest nätta, et se temp, henda kolus jobnus teggeminne, Kasper Kribist, üts melega teggu olli kigile näggijile immes ja häbbis, et Kasper Kribi peap 25 witsa hoopi ssama. 

Kohtunik Mango Maritz XXX

     abbi    Johann Perw XXX

        d.     Jaan Kreewald XXX