Wana Koiola kogokonna kohtun, Wissel, sel 5tal märzil 1879

Man olliwa kohtuwanemb Mihkel Kurwitz

                    kohtumees: Mihkel Plakso

                       do              Jaan Plakk

Kohtomees Karl Tobrelutz kaibap, et Wõrrolt tullen om tema üts paar saapit Karl Peep p. Tobrelutz kätte andnu kodo tuwwa, nee saapa omma selle saani päält arä warastetu, arwap et üts neid seda wargust tennu, kee neidega kodo tullen ütten olnu - nimelt Jaan Lõks, Johan Lutzar, Jakobi poeg, Peter Kopli Peter Puksa nink Otto Himma. Nimetetu saabaste eest om kaibaja 6 rbl masnu, nõwwap seda kätte. -

I. Karl Tobrelutz Peep poig and wastust, et tema kätte omma kül kaibaja saapa kodo tuwwa saanu, ent Saarjärwe kõrtsi een om nee saapa ära warastetu, tema saapaste mant.

Kui kõrtsin Saarjärwen sisen omma olnu, omma Peter Kopli, nink Johan Lutzar neide mant wälja lännu. -

II. Jaan Loks ütles et tema ei tiija neist saapist midagi, et Peter Kopli wäljan käunu, nink Johan Jakob poig Lutzar ka wälja lännu Saarjärwel.

III. Johan Lutzar, Jacob poig 18 aastat wana utles, et tema ei tiija neist saapist midagi.

IV. Peter Kopli ei utle niisama neist saapist midagi teedwat, et tema om kül kõrtsist wälja lännu, kaebajat sisse kutsma.

V.  Peter Puksa ei utle neist saapist midagi teedwat. -

VI. Otto Himma ei utle kaibaja saapist midagi teedwat. -

VII. Peter Lutzar and tunistust, et sel kõrral kui Karl Tobrelutzul saapa Wõrrolt tullen omma arä warastetu, om ennegi Peter Kopli wäljan käunu Saarjärwe kõrtsi man.

Mõistetu: Et kogokonna kohtul wannutamise õigust ei ole, nink määrastki tunistust ei ole saanu, et uts neist kaiwatawist oles neid saapit salaja hendale wõtnu.

Otsus: Kaibaja Karl Tobrelutz ei saa midagi.

Kohtukäujile otsus ette loetu, suuremba kohtu kaumise saadus § 772, 773, 774 perra kuulutetu. -

                             Kohtuwanemb: M. Kurwitz

                             Kohtumees: Jaan Plakso XXX

                             Kohtumees: Mihkel Plakso  XXX

                                     Kirjotaja P. Black

Karl Tobrelutz kuulut, et tema selle otsusega rahu ei ole, pallel suurembat kohut käwwa, mes ka lubatus sai. - 

Opus leht kätte antu.