Kassimõisa uibuwaht Widrik Klokmann and se kohtu een ülle, et sel 18 Augustil poolpäiw hommuko ämmarikoga, rahwa üllestullemise ajal, üts ubbina warras uibuaida tulnu, ubbinit mahha rapputanu, temma tälle mannu lännu, särgist kinni haardnu, ent warras särgi säljast kinniwõtjale kätte jätnu nink essi ärra paeta tahtnu, ent nimmitet waht tedda jälle hammest kinnihaardnu nink tedda Kubbija Peter Thali kätte andnu, kes Meos Kikkaga maja treppi pääl saisnu.
Peter Thal wiinu temma omma tarre, saatnu wahhi temma särki aijast ärratooma nink rehhepappi kutsma, kumbidega temma sedda uibuwarrast wallamaja mannu saata tahtnu.
Se warras om eddimalt wahti Widrik Klokmanni pallelnu, tedda wallale laske, et se rummal teggu temmal eddimanne kõrd olnu, temma paljo mitte wõtta tahtnu, nink temma lähhidelt Kiisa poolt üts laudateggija olles, nink andis pallelnu, mis ka Meos Kikkas kuulnu nink sedda warrast nännu.
Nisammoti pallelnu se warras ka Kubbijat Peter Thali andis, selleteden, et temma palju ei tahtnu wõtta nink siist lähhidelt Kiisa poolt üts laudateggija om, ent Kubbijas wastutannu: "Minnost ei olle sulle andis andjat!"
Sis nõudnu se warras hendale juwwa, mis pääle Kubbijas käsknu täl oota nink keelnu tedda kõwwa kõnne perrast mitte latsi maggamast ülles aija. Nipea, kui kubbijas lännu Widrik Klokmanni aijast taggasi hõikama, tennu warras tarre akna wallale nink paenu ärra.
Selle pääle lännu Kubbijas Peter Thal nink Wallawannemb Karl Rosenthal Kiisa pole, tedda Podratsikku, Peter Kauger käest kätte nõudma; hõiganu Peter Kauger tedda tõiste meest seäast nimmepiddi wälja: "Ado! tulle wälja, sinna ollet Kassimõisa aijan käinu, panne henda rõiwile, et sul om minnek." Selle pääle wastutannu sesamma Ado: " Mis lorri te ajade kik täämbane päiw minno pääle!"
Peter Thal, kui temma sedda meest nätta saanu, üttelnu kotsilt Wallawannembale: "Sesamma om se mees, kes minno tarrest ärrapaggesi."
Se uibuwarga nimmi sai temma passi pält, mis siin kohtu käen om, kätte, et temma soldat Ado Aloe om.
Ado Aloe salgas koggoniste ärra, et temma mitte Kassimõisa aijan ubbinit wargil käinu, ei ka ütteki särki ja kotti, kumma sisse 30 ubbinat täl pantu olli, sinna mahha jätnu ei olle. Se särk nink kott sai kohtu een Ado Aloele näidatus, kumbe temma mitte ommas es tunnista.
Peter Thal, Meos Kikkas nink Widrik Klokmann saiwa küsitus, Ado Aloe pääle näidaten: "Kas se om se mees, keddas Kassimõisa uibuwaht kinni wõtnu olli?" tunnistiwa kik, et se om se samma mes. Tunnistaja ütliwa jo ette ärra, kuis temma wäljanännu, mis ka tõtte olli. Ka tunnist Ado Aloe perremees Peter Kauger, et se aida mahha jättet särk, Ado Aloe särk om, sinnine nink 2 nöpsi takkan, üts must, tõine walge, nink nimoodu om ka se särk.
Kui nüüd soldat Ado Aloe neide tunnistuse perrä, mis Peter Thal, Meos Kikkas nink Widrik Klokmann andwa, kik kolm tedda ärratundwa, nink Ado Aloe Podrätsik Peter Kauger sedda mahhajättet särki, sinnine, 2 nöpsiga takkan, üts nöps must nink tõine walge, Ado Aloe särgis tunnistas, sai mõistetus, et se perrä Ado Aloe täwwelik süüdlane om, mis perrast sel Koggokonna Kohtul se auu om, tedda, soldat Ado Aloe, sellega ütten ütte Kaiserlikko Maakohtu kätte saata, alladlikko palwega, Ado Aloet säädust mööda trahwita.
Kassimõisa uibuwaht Widrik Klokmann and se kohtu een ülle, et sel 18 Augustil poolpäiw hommuko ämmarikoga, rahwa üllestullemise ajal, üts ubbina warras uibuaida tulnu, ubbinit mahha rapputanu, temma tälle mannu lännu, särgist kinni haardnu, ent warras särgi säljast kinniwõtjale kätte jätnu nink essi ärra paeta tahtnu, ent nimmitet waht tedda jälle hammest kinnihaardnu nink tedda Kubbija Peter Thali kätte andnu, kes Meos Kikkaga maja treppi pääl saisnu.
Peter Thal wiinu temma omma tarre, saatnu wahhi temma särki aijast ärratooma nink rehhepappi kutsma, kumbidega temma sedda uibuwarrast wallamaja mannu saata tahtnu.
Se warras om eddimalt wahti Widrik Klokmanni pallelnu, tedda wallale laske, et se rummal teggu temmal eddimanne kõrd olnu, temma paljo mitte wõtta tahtnu, nink temma lähhidelt Kiisa poolt üts laudateggija olles, nink andis pallelnu, mis ka Meos Kikkas kuulnu nink sedda warrast nännu.
Nisammoti pallelnu se warras ka Kubbijat Peter Thali andis, selleteden, et temma palju ei tahtnu wõtta nink siist lähhidelt Kiisa poolt üts laudateggija om, ent Kubbijas wastutannu: "Minnost ei olle sulle andis andjat!"
Sis nõudnu se warras hendale juwwa, mis pääle Kubbijas käsknu täl oota nink keelnu tedda kõwwa kõnne perrast mitte latsi maggamast ülles aija. Nipea, kui kubbijas lännu Widrik Klokmanni aijast taggasi hõikama, tennu warras tarre akna wallale nink paenu ärra.
Selle pääle lännu Kubbijas Peter Thal nink Wallawannemb Karl Rosenthal Kiisa pole, tedda Podratsikku, Peter Kauger käest kätte nõudma; hõiganu Peter Kauger tedda tõiste meest seäast nimmepiddi wälja: "Ado! tulle wälja, sinna ollet Kassimõisa aijan käinu, panne henda rõiwile, et sul om minnek." Selle pääle wastutannu sesamma Ado: " Mis lorri te ajade kik täämbane päiw minno pääle!"
Peter Thal, kui temma sedda meest nätta saanu, üttelnu kotsilt Wallawannembale: "Sesamma om se mees, kes minno tarrest ärrapaggesi."
Se uibuwarga nimmi sai temma passi pält, mis siin kohtu käen om, kätte, et temma soldat Ado Aloe om.
Ado Aloe salgas koggoniste ärra, et temma mitte Kassimõisa aijan ubbinit wargil käinu, ei ka ütteki särki ja kotti, kumma sisse 30 ubbinat täl pantu olli, sinna mahha jätnu ei olle. Se särk nink kott sai kohtu een Ado Aloele näidatus, kumbe temma mitte ommas es tunnista.
Peter Thal, Meos Kikkas nink Widrik Klokmann saiwa küsitus, Ado Aloe pääle näidaten: "Kas se om se mees, keddas Kassimõisa uibuwaht kinni wõtnu olli?" tunnistiwa kik, et se om se samma mes. Tunnistaja ütliwa jo ette ärra, kuis temma wäljanännu, mis ka tõtte olli. Ka tunnist Ado Aloe perremees Peter Kauger, et se aida mahha jättet särk, Ado Aloe särk om, sinnine nink 2 nöpsi takkan, üts must, tõine walge, nink nimoodu om ka se särk.
Kui nüüd soldat Ado Aloe neide tunnistuse perrä, mis Peter Thal, Meos Kikkas nink Widrik Klokmann andwa, kik kolm tedda ärratundwa, nink Ado Aloe Podrätsik Peter Kauger sedda mahhajättet särki, sinnine, 2 nöpsiga takkan, üts nöps must nink tõine walge, Ado Aloe särgis tunnistas, sai mõistetus, et se perrä Ado Aloe täwwelik süüdlane om, mis perrast sel Koggokonna Kohtul se auu om, tedda, soldat Ado Aloe, sellega ütten ütte Kaiserlikko Maakohtu kätte saata, alladlikko palwega, Ado Aloet säädust mööda trahwita.
