Perremees Thomas Hainas kaibas, et temmal sel 1. Mail se aasta 1873 Karilatse ladelt tullen, Ihhamarru kõrtsi man, kos tõise seltsimehhe, nimmelt: Anz Karlos, Carl Bergholtz nink Johann Sawwi kõrtsi sisse lännu, sääl omma rahwast Märt Maime nink Michkel Daks een lõudnu, ent temma, Thomas Hainas, wälja wankri pääle maggama jäänu nink enne mitte ülles wirgunu, kui tõise kik jo ärra sõitnu olnu, nink temma seltsimees Anz Karlos, kellega temma ütten wankrin sõitnu, kõrtsist wälja tulnu. Se maggamisse ajal kik temma rahha 150 Rbl., kik papper rahha, ossast Tingelpungan, ossast ütten langast koetu kottin, kos ka Tingelpung sissen olnu, pihtsärgi pihha karmannust ärra warrastetuu lõudnu.
Koddu olle sõiten üllewän nimmitedu seltsimehhile Uibu kõrtsi man järge saijen, küsino Thomas Hainas - Carl Bergholtzi käest: "Mis minnu rahha ärra wõtteti?" "Tõtteste ja!" üttelnu Thomas Hainas. Se pääle üttelnu sis Carl Bergholtz: "Egga sis muu keaki es wõtta, kui Märt Maime;" otsnu temma, Märt Maime, sääl läbbi nink lõudnu temma jalgrätti wahhelt 10 Rbl. sedda rahha nimmitanu Märt Maime ommas, nink kui ärrawõet, tunnistannu: "Nüüd olle minna rahhast puhhas nink ei olle minnul sukkugi ennamb." Sedda olles Karl Bergholtz nink Michkle Daks ka kuulnu.
Selle läbbiotsmise man tunnistanu Uibu Kõrtsinaine, " et se mees," Märt Maime pääle näidaten, "enne teije siija tullekit minnole ütte lahket 25 Rublalist papperrahha penikeses wahheta tahtsi, ent selle, et se rahha lahki olli, es wahheta minna, nink olli temmal sis 60 Rbl. henda man."
Thomas Hainas ütles omma rahha sissen ka ütte lahki 25 se Rublitse papperrahha olnu ollew, selle märgu pääle jäänu Thomas Hainas kogoni uskma, et temma rahha Märt Maime käen om.
Koddu lähhidel püüdnu Thomas Hainas nink Bergholtz- Märt Maimest ette, lännu Urwaste kaupmehhe Peter Weidenbergi pooti, kohhes ka juhtumise wiisil omma Walba perremees Johann Möldre tulnu, sääl selletanu nemma Peter Weidenbergile kik sedda rahha warguse asja ärra, sis andnu Peter Weidenberg neile seda nõwwu, ka Märt Maime hobbene läbbi otsi.
Lännu kik, Peter Weidenberg, Karl Bergholtz nink Johann Möldre Urwaste Mäe Kõrtsi mannu, kohhes Märt Maime neile ka jo järge saanu olli, temma hobbest läbbi otsma, nink mõudnu Johann Möldre kiki een Märt Maime hobbese taosse alt 60 Rbl. tedda essi tõine kõrd läbbi otsen, lõudnu temma kübbare woodri alt 13 R. nink 1,60 Kop. temma püksi taskust; kätte sanu üllekige 84 Rbl. 60 Kop. weel puudus 65 Rbl. 40 Kp.
Selle päle andnu Peter Weidenberg neile nõwwu, tedda Märt Maimet, kinni köita nink kohtu kätte anda; nüüd lännu nemma kik Wastse Anzmõisa Alal kõrtsi, sääl tahtnu Märt Maime Tunnistajide Karl Jacobson, Karl Asson nink Jaan Elleni een, " et mis te minno kinni pannete, Thomas Hainase rahha 150 Rbl. olle minna wõtnu, nink murretsa 8 päiwa sisse ka ne puuduwa 65 Rbl. 40 Kop. säält, kohhes minna pandnu, kätte, ent kui te minno kinni pannet, sis jägo to rahha sinna paika."
Se pääle jäänu Thomas Hainas lootma nink ootma, kunni ka se puuduwa rahha wahhest kergembisi olles kättes saanu, ent 8 päiwa lännu mööda, ei tonu Märt Maime ütteki rahha, mõnni 5 kõrd perrän seddda lubbanu Märt Maime küsimisse pääle iks ne puuduwa 65 Rublit 40 Koppikat Thomas Hainasele kätte murretseda, ent täämba päiwani ei koppikatgi weel massnu.
Nüüd arwap Thomas Hainas kik se ootmise nink kättesamisse lootmise sedda moodu tühjas nink and se asja kohtu een ülles.
Märt Maime sai küsitus: " Kas se om kik ni õige?" selle pääle tunnist Märt Maime, "et se om kik ni õige, egga minna ei salga, minna wõtti kül nimmitet Thomas Hainase rahha 150 Rublit nink tahhasi iks ne puuduwa 65 Rbl. 40 Kop. ka sis ärramassa, kui minna Talwel puid lõika nink rahha saa."
Kui nüüd Märt Maime essi awwalikult ärra tunnist, et temma Thomas Hainase pihtsärgi pihha karmannist 150 Rublit warrastanu om, es sa ne nimmitedu tunnistaja selle perrast ennamb kuulta wõetus, nink sai mõistetus, warrast Märt Maimet kõwwa wahhi all ütte Keiserlikko Wõrru Maakohtu kätte saata.
Perremees Thomas Hainas kaibas, et temmal sel 1. Mail se aasta 1873 Karilatse ladelt tullen, Ihhamarru kõrtsi man, kos tõise seltsimehhe, nimmelt: Anz Karlos, Carl Bergholtz nink Johann Sawwi kõrtsi sisse lännu, sääl omma rahwast Märt Maime nink Michkel Daks een lõudnu, ent temma, Thomas Hainas, wälja wankri pääle maggama jäänu nink enne mitte ülles wirgunu, kui tõise kik jo ärra sõitnu olnu, nink temma seltsimees Anz Karlos, kellega temma ütten wankrin sõitnu, kõrtsist wälja tulnu. Se maggamisse ajal kik temma rahha 150 Rbl., kik papper rahha, ossast Tingelpungan, ossast ütten langast koetu kottin, kos ka Tingelpung sissen olnu, pihtsärgi pihha karmannust ärra warrastetuu lõudnu.
Koddu olle sõiten üllewän nimmitedu seltsimehhile Uibu kõrtsi man järge saijen, küsino Thomas Hainas - Carl Bergholtzi käest: "Mis minnu rahha ärra wõtteti?" "Tõtteste ja!" üttelnu Thomas Hainas. Se pääle üttelnu sis Carl Bergholtz: "Egga sis muu keaki es wõtta, kui Märt Maime;" otsnu temma, Märt Maime, sääl läbbi nink lõudnu temma jalgrätti wahhelt 10 Rbl. sedda rahha nimmitanu Märt Maime ommas, nink kui ärrawõet, tunnistannu: "Nüüd olle minna rahhast puhhas nink ei olle minnul sukkugi ennamb." Sedda olles Karl Bergholtz nink Michkle Daks ka kuulnu.
Selle läbbiotsmise man tunnistanu Uibu Kõrtsinaine, " et se mees," Märt Maime pääle näidaten, "enne teije siija tullekit minnole ütte lahket 25 Rublalist papperrahha penikeses wahheta tahtsi, ent selle, et se rahha lahki olli, es wahheta minna, nink olli temmal sis 60 Rbl. henda man."
Thomas Hainas ütles omma rahha sissen ka ütte lahki 25 se Rublitse papperrahha olnu ollew, selle märgu pääle jäänu Thomas Hainas kogoni uskma, et temma rahha Märt Maime käen om.
Koddu lähhidel püüdnu Thomas Hainas nink Bergholtz- Märt Maimest ette, lännu Urwaste kaupmehhe Peter Weidenbergi pooti, kohhes ka juhtumise wiisil omma Walba perremees Johann Möldre tulnu, sääl selletanu nemma Peter Weidenbergile kik sedda rahha warguse asja ärra, sis andnu Peter Weidenberg neile seda nõwwu, ka Märt Maime hobbene läbbi otsi.
Lännu kik, Peter Weidenberg, Karl Bergholtz nink Johann Möldre Urwaste Mäe Kõrtsi mannu, kohhes Märt Maime neile ka jo järge saanu olli, temma hobbest läbbi otsma, nink mõudnu Johann Möldre kiki een Märt Maime hobbese taosse alt 60 Rbl. tedda essi tõine kõrd läbbi otsen, lõudnu temma kübbare woodri alt 13 R. nink 1,60 Kop. temma püksi taskust; kätte sanu üllekige 84 Rbl. 60 Kop. weel puudus 65 Rbl. 40 Kp.
Selle päle andnu Peter Weidenberg neile nõwwu, tedda Märt Maimet, kinni köita nink kohtu kätte anda; nüüd lännu nemma kik Wastse Anzmõisa Alal kõrtsi, sääl tahtnu Märt Maime Tunnistajide Karl Jacobson, Karl Asson nink Jaan Elleni een, " et mis te minno kinni pannete, Thomas Hainase rahha 150 Rbl. olle minna wõtnu, nink murretsa 8 päiwa sisse ka ne puuduwa 65 Rbl. 40 Kop. säält, kohhes minna pandnu, kätte, ent kui te minno kinni pannet, sis jägo to rahha sinna paika."
Se pääle jäänu Thomas Hainas lootma nink ootma, kunni ka se puuduwa rahha wahhest kergembisi olles kättes saanu, ent 8 päiwa lännu mööda, ei tonu Märt Maime ütteki rahha, mõnni 5 kõrd perrän seddda lubbanu Märt Maime küsimisse pääle iks ne puuduwa 65 Rublit 40 Koppikat Thomas Hainasele kätte murretseda, ent täämba päiwani ei koppikatgi weel massnu.
Nüüd arwap Thomas Hainas kik se ootmise nink kättesamisse lootmise sedda moodu tühjas nink and se asja kohtu een ülles.
Märt Maime sai küsitus: " Kas se om kik ni õige?" selle pääle tunnist Märt Maime, "et se om kik ni õige, egga minna ei salga, minna wõtti kül nimmitet Thomas Hainase rahha 150 Rublit nink tahhasi iks ne puuduwa 65 Rbl. 40 Kop. ka sis ärramassa, kui minna Talwel puid lõika nink rahha saa."
Kui nüüd Märt Maime essi awwalikult ärra tunnist, et temma Thomas Hainase pihtsärgi pihha karmannist 150 Rublit warrastanu om, es sa ne nimmitedu tunnistaja selle perrast ennamb kuulta wõetus, nink sai mõistetus, warrast Märt Maimet kõwwa wahhi all ütte Keiserlikko Wõrru Maakohtu kätte saata.
