Ann Sahmen kaibas, et Triina Will temma last Kattrit ni hirmsaste pesnu pääd ja kõrwu mööda, et lats ni wäega rööknu, nink tõisest tarrest Sohwi Kallion mannu lännu nink keeldnu wõõrast last pesma; üttelnuu Triina ennegi wasta: " Mis ta sinno puttus, pinni hind, kui minna temma ka ärra olles tapnu!" Tõise latse paenu hirmu perrast mõllemba Mõisa rehhe mannu, kos Essa reht pesman olnu olli. Se pessetu lats kaibawat tost ajast iks, et temmal kõrwa wallutaw.

Se tulnu tollest, et Ann Sahmeni mees om sääl Tallun tõise poolterranikku Jaan Weiroki man sullane, nink neide 8 aasta wanna tüttarlats, Kattri, olnu perremeeste lastega karjan. Tõise kik lännu sest moonamajast Mõisa töö mannu ärra, nink jäänu ennegi Triina Will koddu. Selle, et Triina Will, kui üts hoolmatta inneminne jo tutwa, üttelnu Jaan Weirok ommile latsile, kes karjan käinu, neidega ka ütte Ann Saameni lats Kattri, et to perrä kõwwaste kaija, et Triina Will omma karja omma ristikhaina pääle lasse aija. Ni kui peljat, ni ka ajanu Triina Will omma karja Jaan Weirokki ristikhaina pääle; Jaan Weirokki latse ajanu kats kõrd jo päält ärra, nink kolmas kõrd ajanu popsi lats Kattri Saamen Triina Will ellaja henda ristikhaina päält ärra, to perrast pessnu temma last ni wäega.

Kui Ann Saamen omma latse pesmist Triinaga kõnnelnu, üttelnu Triina: " Kos hulgusel kohhus ehk latsel maa, mis ta hoiap."

Johann Klokmann kuulnu latse röökmist, nink pessmise man ei olle muid olnu, kui perremehhe tüttar Sohwi, üts wäikene lats.