Hugo Rosipuu, Kergolast, kaibas: "Minna olli Matsi tallon tööl, nink kui minna säält weitis ajas ärra lätsi, sis ollewat Karl Raam minno ummelus mashina põrmandut wasta wissanu ni et se samma nüüd koggoni ärra rikkunu om. Karl Raam tunnistas minnole essi ärra, et temma se mashina ärra rikkunu om, nink wees ka Karl Raam se mashina Johann Rautsep kätte parrandama. Minnol massab se ummelus mashin 35 rubla hõbbedas."

Tunnistaja: Liso Kuiw, Lisa Libba, Jaan Mõttus ja Johann Messias ja Peter Matt nink Johann Rautsep. 

Karl Raam kostis selle kaibuse päle nidate: "Minna es olle sel kõrral mitte koddon, kunnas se Hugo Rosipuu ummelus mashin ollewat ärra lahhutu, nink ei tija minna ka mitte kes selle mashina ärra olles rikkunu, weel wähhemb et minna essi sedda olles tennu. Minna sedda mashinat mitte Johann Rautsepa kätte parrandama es wee, enge minna sõitse kül Hugo Rosipuud Johann Rautsepa pole, "kohhes temma se maschina parrandama wees."

Ne ülles antu tunnistaja omma selles 23. Webruaris s.a. ette tallitada. 

Kohtomees Jaan Treumuth XXX

  "   Werdi Leinus XXX

   "  Andrus Püwwi XXX