Wana Koiola kogokonna kohtun Wissel, sel 26 marzil 1879.

Man olliwa kohtuwanemb: Mihkel Kurwitz

                    kohtumees: Jaan Plakk

                              do        Mihkel Plakso

Moisekatzi mees Peter Möller kaibap, et temal om 7 januaril selle aasta Wõrro laadelt tullen Wisse kõrtsi man saanist, taosse lentsi, nink suitse ära warastetu; taosse oma sel 24 märzil s.a. Jaan Warres käest kohtowanemba Mihkel Kurwitz man olemisen üles otsitu nink kätte saanu, nõwwap selleperast 13 1/2 rbl Jaan Warres käest, et tema käest taosse kätte saiwa, kiike om wargus kahjo, ehk ommi riisto kiiki kätte nink 4 rbl aja wiitmise eest. -

II. Sellsamal kõrral om ka Moisekatze mehel Johan Hansson´il sest samast saanist 1 parkit nahk, setelka rihmaga, nink 1 pund linno ära warastetu, nõwwap Jaan Warres käest selleperast kas ommi asjo kätte ehk (neli toistkumme) 14 rbl kahjo tasomist, selle et tema käest Peter Möller taosse kätte saiwa, sis peap ta ka neist tõisist asjost teedma.

Jaan Warres wastutas, et tema om nee taosse nink lentsi warastanu, nink Johan Konna kaen om setelka nink rihm, nahast nink lina punast ei tiija üttelda, kelle käen ne oma.

Kogokonna kohto wanembale Mihkel Kurwitzale om Jaan Warres sel 24 märzil s.a. üttelnu, et Wisse kõrtsi man oma wõtnu taosse nink lentsi setelka rihmaga üttest saanist wotnu, kelle man abin Johan Konna ka om olnu.

Johan Konna ei ütle midagi sest wargusest teedwat, ei ütle ka henda käen määrastki kraami ollew. -

Mooste mehe Peter Moller nink Johan Hanson, pallewa, et see asi kogokonna kohtu man saas walmis tettus.

Mõistetu: Et see awalik Jaan Warres oma ütlemise perra et tema see wargana om talitanu, nink koige see warguse eest peap wastutama, mes weel kaibajal om ära warastetu. -

Otsus: Jaan Warres peap Peter Mölleri 5 rbl nink riisto kätte; nink Johan Hanson´le 13 1/2 rbl sel 23 april s.a. ära masma, nink saap 30 witsa lööki, mes täämba katte saap antus. -

                                          Kohtuwanemb: Mihkel Kurwitz

                                          Kohtumees: Jaan Plakk  XXX

                                                    do        Karl Tobrelutz  XXX

                                                     Kirjotaja P. Black