Wana Koiola kogokonna kohtun, Wissel, sel 16tal april 1879.

Man olliwa: kohtuwannemb: M. Kurwitz

                     kohtumees: Jaan Plakk

                     kohtumees: Karl Tobrelutz

Liis Sell tulli ette nink kaibas eestsaisjaga Joosep Kattai, et temal om sel 11tal april ööse aidakesest rõiwa kirstu luk üles murtu, 50 rublat selget raha, üts hõbe sõlg 6 ruublat nink 14 küünart willast rõiwast wäärt 10 rubl., 10 paari kindit 3 rbl 5 paari sukke 2 rbl 2 naela willast langa 4 rbl nink muido wäikest kraami: 2 r 40 kop eest. -

Kui kaibaja seda wargust kohtumehele Jaan Plakle teeda andnu, nink see Joosep Kattai, Peter Peter Kurwitz nink Samuel Harms ütten wõtnu seda wargust ules otsma, sis oma loudnu, et katte saapa jäle omma Liis Sell elotuse mant olnu, et tõisel wargal kura jala saapa talla al üts lap saapa nina pool olnu - nink tiht nagla kondsa al, tõisel jala saapal, neil samal jälil, om pool poolt talla nõna pool nink kolm suurt Wenne nakla wälimetse kontsa weere külen saapa al olnu. Kui omma neid jälgi pitte lannu; sis omma Pallo walda Reo weski mano saanu, nink sääl ütte wenelase üles löudnu minge Harlask kel õkwa sääratse saapa omma jalan olnu, mes neide takan otsmise jälgiga kokko sündinu. Selle warga üles löudmise man om ka Palo walla kohtomees Paap Werrewson olnu, kea seda wargust nimega Harlask, sel 14 april s.a. pidi Wanna Koiola kogokonna kohtu maja mano saatma wangi wiisil, ent ei ole seda mitte täutnu, nink kuulmise perra om kogokonna kohtus seda wargust lasknu ära paeta. -

Parzimõisa sep Karl Tammis om ka nännu kui Harlask sel 11tal april odangu om tulnu Wana Koiola poole. -

Üts selge tunistus om ka weel, üts pool seppa pihel, mes waras lukku üles murdmise man om maha jätnu - seda om Reo möldre Karl Wiijend om tunistanu, et se Harlaskil tema seppi koast om wõetu. -

Selleperast saap Keiserliku Wõrro Maakohut palleldus seda wargus asja oma üle kullemise ala wotta, nink Pallo moisa kogokonna kohtu meest - selleperast wastutamise ette kutsu, mes perast see waras Harlask ei ole sel 14 april s.a. Wana Koiola kogokonna kohtu kätte saadetu, et teda pidi Keiserliku Worro Maa-

kohtu kätte saadetama. -

                                       Kohtuwanemb: M Kurwitz

                                       Kohtumees: Jaan Plakk

                                       Kohtumees: Karl Tobrelutz

                                              Kirjotaja P. Black