Kae Protokoll No 11.

Tunnistaja Liso Kuiw (Kreeka usko) andse nidate tunnistust: "Minna ei olle selle ummelus mashina lahkmissest middake nännu, ennegi maja perrenaine ütles minnole, et penni ollewat purrelema lännu nink sis mashina lawwa päält mahha ajanu."

Tunnistaja Johann Rautsep (Lutteri usko) andse nidate tunnistust: "Hugo Rosipuu ja Karl Raam tõiwa üttel päiwal ütte ummelus mashina minno kätte parrandama nink sis kõnnelesi nemma, et se mashin mahha ollewat saddanu ni et temmale rikke sanu om. Sellest es olle jut, kes selle mashinale wigga tennu om. Selle mashina parrandamisse eest om minnol 3 rubla sada, nink om ka se mashin nüüd weel minno pool."

Tunnistaja Jaan Mõttus (Lutteri usko) andse nidate tunnistust: "Minna sellest mashina lahkmissest middake ei tija, sest minna olli ka sel kõrral Hugo Rosipuuga koddost ärra lännu. Perrenaine ütles, et penni ollewat purrelema lännu nink sis ollewat mashin neide läbbi lawwa päält mahha aetus sanu."

Tunnistaja Johann Messias (Lutteri usko) andse nidate tunnistust: "Minna ei tija selle ummelus mashina lahkmissest middake tunnistada, sest minna olli sel kõrras Hugo Rosipuu ja Jaan Mõttussega koddost ärra lännu. Minna ei olle ka selle mashina lahkmisse ülle middake kuuldnu."

Tunnistaja Peter Matt (Lutteri usko)andse nidate tunnistust: "Minna ei tija sellest mashina lahkmissest middake tunnistada, sest minna es olle tol kõrral mitte koddon, nink ei olle minna sellest asjast ka middake kuuldnu."

Et Lisa Libba mitte täämba kohto ette tulnu es olle, om temma selles 9. Märtsis ette tallitada, nidasammote ka Jaan Möllitz. 

Kohtomees Jaan Treumuth XXX

  "   Werdi Leinus XXX

   "  Andrus Püwwi XXX