Leeno Silma nõudmise asjan welle Karl käest, tunnist neide wanna Emma Ann Haggi, et Essa Ado, enne koolmist, eggale latsele omma weidikenne warrandust olles ärrajagganu, nimmelt jäänu Emmale 1 lehm nink tüttrele, Leenole, kes tokõrd weel lats olnu, ka 1 lehm, ent Karl saanu omma jao sis kik ütten, kui temma neide mant majast wälja lännu.

Kats aastat perrän Essa ärrakoolmist, kuma Emma poja Adoga püüdnu eddesi pitta, ei jõudnu, nink perran Tallust mahha jäämist, piddanu Emma 3 aastaiga neid katte lehma, henda ja Leeno jakku ülles, jõuwwu kassinduse perrast müünu ütte neist ärra, nink wõtnu welli Karl Sõssare Leeno lehma henda kätte, selle lubbamisedga, kui Leeno mehhele saap, nink sedda lehma tarwitama saap, sis jälle taggasi annap.

Karl Haggi tunnist, et temma Emma käest, 3 aastat, perran Tallust mahha jäämist, ütte lehma saanu nink tunnist ka, et sõssar Leeno tedda 1 aastaig, 3 Rbl. leppit palga eest teeninu, nink 5 Rbl. sõssare Leeno käest puhhast rahha wõlgu wõtnu, nink selle pääle Emmale 10 Rbl. ärramassnu: 8 Rublit sellest sõssarele Leenole anda, nink 2 Rbl. Emma omma rahha taggasi massnu, ent pääle selle se lehm temma kätte jäänu.

Kui nüüd kiigest nätta, et se lehm Emmast tüttrele Leenole ülles peetus püütu, nink Karli omma tunnistuse perrä se lehma Emma käest ka henda kätte saanu, nink ne 8 Rbl. wõlgu tõtte ollew, tunnist, ja saatnu temma Emma läbbi ne 8 Rbl. sõssarele Leenole ärra, üttel kõrral ka Emma wõlga 2 Rbl. ärramassnu, mis Emma tüttar Leenoga tõttes tunnistiwa, sai mõistetus: et Karl Haggi peap 14 päiwa sissen sõssare Leeno lehma eest, 12 Rbl. ärramasma.

Karl Haggi pallel kunni Marja päiwani, se 25 Märzini 1874 kannatada, sedda lubbasi ka sõssar Leeno tetta, nink olliwa mõllemba rahhule.